بسم الله الرحمن الرحيم
هذه قصيدة في فهيد بن مناحي العجمي وهو يحضر لشهادة الحقوق في الدولة الهاشميه ..
واتمنى ان تلقا رضاكم :
ياصاحبي واللي لـه الغيـب معلـوم=واللي لـه اتخـر الخلايـق عبـاده
امشاهـدك عيـد ٍ وفرقـاك مذمـوم=غيـر القـدر قايـد ظروفـك قيـاده
يا ( فهيد ) طاريك مع العالـم يـدوم=ولا الـردي مالـه ابطاريـك عـاده
ياقرم ياللي مـن نسـل قايـد قـروم=حـر ٍ علـى مبـداه ماخـذ قـلاده
مبداه واضح مايجـي شـك او لـوم=مبـدا المراجـل والمعـزة ..مفـاده
انك تجـي دايـم مـع راس هالقـوم=بافعالك اللي توضح ان لـك شهـاده
شهـادة ٍ تشهـد لـك العـام واليـوم=امصدقـه مـن عنـد بنـك الاشـاده
ياخذها رجل ٍ راح من فوق النجـوم=بالمرجلـه والعـز والطيـب .. زاده
بين العرب مقـداره اليـوم محشـوم=ساس الفخر لـه قولـة النعـم عـاده
يا ( فهيد ) .. عجل بالفرح جعله يدوم=ابغيك ترجـع جايـب ٍ لـك شهـاده
عندك شهاده ... لكن العلـم مقسـوم=قسم المراجـل .. والعلـوم امتـداده
وسلامتكم