&&^دروس الجمايل^&&........مصافحه اولى.

[سالم الأحيمر]

ورتني ظروف الزمان الهوايل=والوقت يضغطني بصدره وبيده
والكبد كن فيها من الصبر آيل=والحزن سوى كل شيٍ يريده
ياحظ قل لي لامتى وانت مايل=مافيه امل لو ساعه تكون سيده
عوفتني ياحظ شرد المثايل=وسئمت من عيش الحياه الزهيده
وعفت الغزل وأغلقت خط المبايل=حتى لو أن كبدي تساعر وقيده
ماعاد ابي منه ولا له رسايل= وحيد وابغى النفس تبقى وحيده
وغيرت كل الانظمه والستايل=وغيرت بعض وجيه بأخرى جديده
مافادني ياحظ كثر التحايل= الناس من درسك لي المستفيده
ولا أستفدت الا دروس الجمايل= في غير أهلها والله انها نقيده
صبرت لين الصبر شد الرحايل= وانا مقيم وفاقد لي فقيده
خوة رفيقٍ شيمته ضغط هايل= ماهيب شيمة عاشقٍ لجل عيده
اللي يقيٌل لجلها بالقوايل= لاهيب لاصوبه ولاهيب ميده
والله لو أنها بنت وافي الخصايل= إله الشرف لو ينحسب من عبيده
شفني هنا ضمن الصفوف الأوايل=لاتلتفت لأهل العقول البليده
الشك في بعض المواقيف زايل= ولاً الردي يمشي معه في وريده
حسبي على الحاجه تحرق الفعايل= وتصفي اصحابك مايبقى شريده
وإذا صفالك في زمانك قلايل= ماكل رجالٍ يسمى وليده
ان كان مأنت بذيب صايل وجايل= يمكن تصير لبعض الأنجاس صيده