السلام عليكم ورحمة الله وبركاته
قصيدة شعر للشعر والشعراء..... منما اشوفه في الساحه ومن دخلا
الأدب المغلثً ويللأسف سار الشعر سلعه بعدماكان يستخدم في سلم وحرب ,وصلح ..وحزن وفرح
إيليكم القصيده
رسالةٍ تقرى بلاطابع و ظرف= ياأهل الأدب مضمونها تعرفونه
ماعاد لي واهس على الشعر والحرف= من شفت ناسٍ للأسف يدرفونه
ألنظم منهم غث وأصواتهم قرف = عزالله أنهم بالخطا..يقرفونه
تغرف من الهزلات والثرثره غرف =حتى الحيا من شعبته يجرفونه
مثل حكايا شايبٍ طايحٍ خرف = الكل منهم لو مسك مايكرفونه
الوضع من دحديره الى هاوية جرف = ماهو يشرفهم ولا يشرّفونه
مهيب تعرف مدخل ومخرج الحرف= غدو صعاليك الشعر مشرفونه
تهوم به وتهيم وأتعوم في سرف =على هوامش كيفهم يصرفونه
حب الظهور وحبّ في رزّة العُرف =عين تشوف وبيدهم يطرفونه
أشره على اللي يفهم النحو والصرف =لاصفّق للي علمه أيحرفونه
يامن تعرف وتصدق القول والطرف =وقف معي في وجه متطرفونه
وناظر..!! لشعار النظم يامن أتعرف =مثل الرطب بيدينهم يخرفونه
14-09-2008, 02:51 PM
العرض الشجري
المواضيع المتشابهه
