السلام عليكم ورحمة الله وبركاته
أول مشاركه لي معكم وهي اهدااا للجميع من الشعار والمتذوقين من القبيله او القبايل الاخرا
وعسى ان تنال اعجابكم
سلامي عليكم ياهل الشعر ياشعاار=بني عم واصحاب ومن الناس الاقصيني
سلامي عليكم عد ماتكتب الاشعار=وعدد ماكتب فوق الصحف من عناويني
وعدد مايلوح البارق اللي بقا سمار=مابين القنوف يلوح والناس ممسيني
سلامن معاه ازكى التحيات للحضار=اسوقه عليكم سوق ماهوب عاصيني
وبعدها عسى يسلم لنا ترثت الاحرار=قطامين يروم المعالي من سنيني
بذل جهده اللي للملا يلفت الانظار=ولاحط فيما حط وحده وثنتيني
لماروثنا الشعري نوا وابتدا المشوار=بفضله ومجهوده كتبنا الدواوييني
وتاريخنا في ما مضى ماعليه غبار=وتسجيلكم لحداثه الماضيه زيني
نبي للحقايق عارفه يكتب اللي صار=يوثق كلامن ماكتبوه البزاريني
انا اشوف كلن صار جده زعيم الدار=يصوط الجموع المردفه بم تاجيني
كريمن على عانيه وايضا يعز الجار= ولو كان جده من حساب المساكيني
ترا الناس مثل الناس دام الفلك دوار=بوقت العوافي ماتبين البراهيني
عسى الله يخلد عزكم والعلوم كبار=وعسى الله من بعض السوالف يعافيني
نبي وقفتن منكم من اعضا ومن زوار=يشوفون حل المشكله للخباليني
اقوله وانا ماني وكيلن على الثرثار=ولا اقول انا اللي عارف الزين والشيني
انا جبت لي وجهت نظر والعباد أحرار=كلام الصراحه نابعن من شراييني
وتمت يبن عمره يراع الوفا والكار=بذلت الجهود الطيبه ياحمر العيني
وانا ارجو السموح والمعذره من الحضار=على مابديت برايي اللي يشافيني