العيش في الكويت أصبح صعباً

[الخليفه]

بسم الله الرحمن الرحيم

السلام عليكم ورحمة الله وبركاته

أخواني وأخواتي أعضاء مجالس قبيلة العجمان الكرام

الباب معروف من عنوانه ..... العيش في الكويت أصبح صعباً........

اخواني واخواتي ما أن اتت الزياده 120دينار حتى التقطوها التجار من يمنه ويسرى

وزداو اسعار البضائع الاستهلاكيه فأصبح كل شهر ونص يرفعون اسعار المواد الغذائية بنسب عالية بال 20 و30%

وهذا استهتار يعاقب عليه مرتكبوه نحن لانريد التحدث مع المتنفذين الان الاصوات

قد انبحت فلا مجيب يعني بالكويتي عمك اصمخ

نريد النواب ان يتحركو ......نعم نواب مجلس الامه الاي كل يوم لهم تصريح... وكل يوم سنستجوب ونحاسب

وهو فقط ما يقولون هذا الاكلام الا للبروز والتلميع لا أكثر ولا اقل ومحد ما كلها غيرك انت يالمواطن

أنظرو إلى الاسعار إلى وين وصلت دخلت أنا لجمعية الرقه التعاونيه أشتري احتياجات البيت من ضمن الاحتياجات كان كرتون صابون تايد

أتذكر قبل كنت اخذ 6دنانير لا وكنت اتضايق ليش الجمعيات الثانيه ارخص من جمعية الرقه

المهم يوم شفت السعر قلت ياحلاله على صابون الرقي سعر كرتون تايد 9دنانير 900فلس يعني 10الا 100فلس

وسعر كرتون الدجاج المتحده قبل كان 4 دنانير كويتي الحين وصل على 8.500 دينار كويتي

ومحد مستفيد غير هالتجار

ياخوان الاسعار في تزايد وكل شهر يزيد عن الاي بعده والنواب والشعب ساكتين كانهم راضين بالاي يصير


هذا كله بصوب وأداري الجمعيات التعاونيه الي يمشون هالزيادات في غلا الاسعار

وأبي ابشركم يأعضاء مجالس العجمان باقي على الرمضان ايام معدوده

وفيه زياده اسعار جديده ووزير التجاره الاي يبي يتصدا لها زين إذا ثبتها على ماهي عليه

وشعليكم يأهل الكويت وزير التجاره بيعطيكم هدية رمضان هريس وجريش

(أنا اشوف اسراف وهدر المال العام ) بس عساه ماتكلف يوم يوزع هالهدايه


الكل يتسال طيب والحل

في حلين مو حل

الحل الاول مقاطعة تلك المنتجات حتى يعرفون ان الله حق ويعيدون لصوابهم

ياخي اقعد أسبوع بدون دجاج شالمشكله والا اقعد أسبوع بدون حليب كي دي دي

ولا اقعد بدون المعلبات خل عجوزك تزين لك هالقرصان وتطبخ لك الاكل الطازج ونرجع مثل اول



أما الحل الثاني هو انكم تهاجرون يمدحون الصين يقولون انها رخيصه



أخواني وأخواتي الاعضاء نبي منكم وقفه جاده امام التجار والمتنفذين


اخوكم

الخـلـيـفـه