السلام عليكم ورحمة الله وبركاته
كم وعدتكم اعتذر عن التاخير وخصوصا ( ابو محمد ) وعرف نفسه
شله متواضعه وكلماتها متناغمه للشاعر حمد بن قريان ( قتيل الهوى )
قتيل الهوى ماله مع أهل العلاج علاج
بخيصن بحالـه ياعـرب لاتزيدونـه
ترا القلب لنحا يمتـن ماهقـا ينعـاج
يزيده عناد الحكي يا اللي تعذلونونـه
ترا عذلكم له ياعواذيـل زود إزعـاج
وكبده عليكم حيـل بالغيـظ مشحونـه
فلا ناقصه فهمن وللنصح مـا يحتـاج
وخوفو من الله وإشبحو دمعة عيونـه
يهل العبيري فوق خـده مثـل هـداج
ولا ذاق نوم الليـل ياللـي تذوقونـه
سهيرن وينس وسط صدره كما الوهاج
على شوف خله ياعرب هاضت شجونه
يقولون يابارود وأقـول دون إحـراج
فلا سامعـن منكـم كلامـن تقولونـه
كفخ طير قلبي كفختن فالسما ثـم راج
وكتفله من اللجـه ولاعـاد ترجونـه
أنا أتبع هوى شفي ولا همني الهلبـاج
ولا حالي بحالـه ولا شونـي بشونـه
وأنا حالفن ما أنساه مادام ضلعة ثـاج
على شكلها والعذل ما طيـع مظمونـه
الشله بالمرفقات
تحياتي