وبه دلتن تباري المزلة <<< بمجلس ( فهد بن عجيمه )

[فيدل كاسترو]

بسم الله الرحمن الرحيم

هذي القصيدة قالها : ( فرج بن بخيت بن غليس ) في ( فهد بن محمد بن عجيمه )

وذلك على حسن مواقفة مع الناس ،،

	ابو محمد مجلسه ما نمله=هذا يسلم به هذا يروحي وبه دلتن صفراً تباري المزلة=هذي يوخرها وهذي تفوحي وترى الشحم والعود هو عادة له=لا جاوه الضيفان ماهو سموحي ما يذبح الا كون حائل مجلة=ويجيب للضيفان معها صبوحي ومنه السوالف مطرباتن مدله=وايضا مع السوالف مزوحي يوم الليالي اقبلت مستهله=له ماقفن منساه مادمت انوحي وقف معي له وقفتن مستقلة=وقفت شجاعي في نهاراً قموحي تركز له البيضا براس المطله=في راس مرقابن طويلن يلوحي وعياله اللي في المراجل امحله=ولكل منهم مع طريقه يشوحي والكل منهم طيب في محله=قلته وانا لي مع اهل الطيب نوحي والا الردي بالعون نفسي تمله=اللي على ربعه صياحه ينوحي ولا كل من يبغى المراجل حصل له=يا كون منهو للمراجل طموحي الله يجنبكم غثا الناس كله=والله يجنبكم عيون الشفوحي هذا وصلوا عد ما بالمجله=واللي كتبه حسين ولا فتوحي

الشاعر :

( فرج بن بخيت بن غليس الرزقي)