يا بنت قومي وألفحـي بالجدايل , , , عليش ستر الله وستر المرازيق !!!

[عايض الوقدان]

السلام عليكم ورحمة الله وبركاته




مســــاء ال





تقبـــلوهـــاا منـــي بتـــواضعــهااا , , ,


,
,
,

يقول من غنـا جزيل المثايل= من طنخة(ن) بالراس ماهو من الضيق
شاعر وصوغ القاق والشك زايل= وهبه من المعبود رب المخاليق
وامن البيوت اجيب ندر الجزايل=والعب طرب واشيل جزل الطواريق
يابنت قومي والفحي بالجدايل=عليش ستر الله وستر المرازيق
الابه اللي بين كل القبايل=مثل الجبال النايفات الشواهيق
افخر بهم واشوش والراس طايل= ربعي كعام الضد لانشف الريق
في صفحة الامجاد ذكر وفعايل=فعل(ن) عليه شهود ماهوب تلفيق
طبع الوفا فينا سلايل ,,سلايل=ولنا مع اهل الطيب عهد ومواثيق
كبيرنا بالجود صايل ,,وجايل=وصغيرنا عزك اليا ناشك الضيق
المجد نسعاله بكل الوسايل=وانطوق اعلوم الجمالات تطويق
تجار في سوق الفخر والجمايل=ونشفق على كسب المروات تشفيق
ويالله ياللي بأمرك السيل سايل=يا عالم(ن) ما فالصدور المغاليق
تسقي قبر راكان غر المخايل= وتسكنه فالجنه مع خير صديق
النادر الزيزوم ذرب الخصايل= امفرق اجموع المعادين تفريق

وسلامتكم , , ,