|[ طمنّـي عليكـ ]|.. محمـد الجار الله السهّلـي ،،

[خلاوي الشمالي]

السلام عليكم

هذي قصيده حبيت انها تكون الاولى الي انزلها في هالقسم وانشاالله انها تنال اعجابكم

قصيده للمبدع محمد جارالله السهلي

يا الغايب اللي غابت سنينـي معـاك=يا جعل ما جاني من الفرقـا يجيـك
استغفر الله !! جعل ماجانـي فـداك=حتى لو ان نهايتي .. على يدييـك!
مسامحك .. واللي بقوله في قفـاك=خيرك كثير .. ويرحـم الله والديـك
ماصار شي ابلا رضاي الا رضاك=اللي ماهو فيني وابيه القـاه فيـك!
كنت السما في عيني وعيني سمـاك=كانت حياتـي كلهـا منـك واليـك
كنت بيديني مير مدري مـن خـذاك=حسبي على تقصيري وحسبي عليك
علمتني.. وش الحياه مـن الهـلاك=في موادعك هذا وفي جيّتـك ذيـك
ياكيف ابلقى شخص يسواني سـواك=كل مانويت انهيك في شخص ابتديك!
أبـدى أقـارن مستـواه بمستـواك=واخاف لاتزعل وابيعـه واشتريـك
والمشكله : رغم محبتـك وغـلاك=واني رغم كل شيّ مشتـاق وابيـك
ما هوب من حقي يضايقنـي جفـاك=ولااعشقك ولاالمحك ولااحتريـك!!
لكن ما يخفانـي ولا اظـن يخفـاك=حقي عليك .. انّك تطمنّي عليـك!!

وسلامتكم