راكب اللي يقطع الجو الخلاوي

[العوووود]

السلام عليكم ورحمه الله وبركاته

راكب اللي يقطع الجو الخلاوي=ماعطاه الشيخ لراعي هديه
انحر ابومحمد (ن)زبن الجلاوي=بلغه باللي جرا عقب التحيه
بادين في منزل الحر النداوي=هيض النشاد شوف الغشمريه
مرني غزالان وقلبي هواوي=حزة عصير(ن)وعاد الشمس حيه
عينها عين المها مانيب قاوي=رمشها القتال مالي مقدريه
خدها مثل القمر فالليل ضاوي=عنقها عنق الغزال العارضيه
تل قلبي تل دلون بالعراوي=ثم تعرضله شناظيرن قويه
قلتله ياراعي الثوب السماوي=ارحم اللي حالته حاله شقيه
قلبي ماجمع الاكثر البلاوي=لاتزيد القلب كيه فوق كيه
أشهدني فالهوا دايم شقاوي=كل يومن يبتدي حاله أذيه
قاللي احتشم خل منك الدعاوي=تدعي بالحب والنيه رديه
قلتله حشا مافيني ذا الهقاوي=مثل ماقالو ترا النيه مطيه
انا من ربعن في نهار العزاوي=ماتهاب الموت وحياض المنيه
من نصاني والله اني له فداوي=ومن عداني بنطح السيه بسيه
لاشهرت أشهر كما الحر النداوي =والشجاعه والكرم فينا حميه
والشهامه سلمنا والحد راوي=والشرف من طبعنا والنار حيه
مايلام القلب لمن صار هاوي=ولا يعيب الرجل من نظره بريه
الله يسامحك يالجنس السحاوي=رافعن نفسي من علومن رديه

وســــــــــــــــــــــلامتكم


اخوكم العووووووود