ههههههههههههههههههههههههههههه
تو الناس ... و تونا في أول الإسبوع ... و الرجال عاده مستنكر المكان ...
خلينا شوي شوي عليه ....
و ما دام وصلنا ... نواصل ... مع ضيفنا لهذا الإسبوع ....
ايه عنـدك اياها .. ترا اسئلتها ماتخلص 
- حوران ... تصور إنك موجود في المدرجات في مباراة الهلال و النصر ... و اللي حواليك كلهم
رافعين الأعلام الزرقاء ... شنو راح تسوي ؟؟؟
اقول أيوه يازعيييييييييييم
- شنو اللي يعجبك في المنتديات ... و اللي ما يعجبك فيها ؟؟؟
بتكلم عن المنتديات القبليه
يعجبني فيـها
روح التواصل .. والأطلاع على الأحداث بين أفراد القبيـله وسرعة نقلها
مايعجبني فيـها
حضـور بعض الأعضـاء وتفريغ شحنات الغضب في بني عمهم قدام الكل
وخصوصا ً ذالأنتخابات .. اللي خلتني أقول بعض الأحيـان اقول انها فرقت القبيله ولاجمعتهم
بالأظـافه إلى نقل المعلومـات التاريخيه المغلوطه إلى المنتديات وتناقلها على انها صحيحه وهذا ظلم كبيـر
- كم ساعه تقريبا تقضيها مع النت ؟؟؟ و هل وصلت لمرحلة الإدمان أم تعديتها ؟؟؟
اقضي مابيـن 5 إلى 9 ساعات إذا ماعندي اشغال
وتعديت مرحلة الأدمـان إلى مرحلة ألا عوده إلى الصحيح
- شنو المكان اللي تشعر فيه بالراحه ... ( غير السجن طبعا ...
)
لاتكلم عن السوابق قدام العرب
وأكثر ما أرتاح في مجلسـنا
و شوية سياسه ......
- الوضع بالعراق لا زال غير مستقر ... هل له أي تأثير ملحوظ على مناطقنا المجاوره له ؟؟؟
ولن يستقر أيضـا ً
ان شـاء الله مايكون له تأثير .. ولو اني اشوف غير ذلك
- العولمه بشكل عام ... هل هي جيده أم ضاره لمجتمعاتنا ؟؟
بشكل عـام أشوف أنها أقرب إلى الضرر .. وأنا مع العولمه في مايرفع من مستوى التعليـم والأندماج في التطور العالمي .. وليس الاندماج في كل شي
- أفغانستان .... رقم صعب على الروس و الأمريكان و الحلفاء و غيرهم ... ما هي الأسباب برأيك ؟؟؟
الحشيـش
ولك في ثورة الحشاشين الدليل
- هل تتوقع أن يصل اوباما ذو الأصل الكيني ... أو كلينتون المرأه إلى منصب الرئاسه الأمريكيه ؟؟؟
والله تـاريخ أمريكا على مدى 300 سنه مابعد حكمتهم إمرأه .. وهم من يدّعون الديمقراطيه
ولذلك أتوقع وأتمنى وصول أوباما لسدة الرئاسه
و نطلع من السياسه و ما أدري وين نروح ...
قمت تسحب فينا يابو طلال 
- عندك صحنين ... واحد عليه مفطح ... و الثاني مأكولات بحريه ... وين بتروح ؟؟؟
على حسب برنامجي ذاك اليوم
- أي ماده كنت تحبها في المدرسه .. و أي وحده كنت تكرهها ؟؟؟
احب مواد الأدب إلا القواعد .. وأكره الريـاضيات
- سؤال جانبي ... كم الساعه الحين في كوالالمبور ؟؟؟
4 العصـر .. اتحداك تقول خطأ
- شنو تقييمك للقسم الترفيهي ... و مدى أهميته في أي منتدى ؟؟؟
الترفيهي في هذا المنتـدى وخصوصا ً هالفتره أجمل من أقسام الترفيهي في منتديات ثانيـه .. فيه ترابط بين الأعضـاء وموده ظاهره للجميع .. بعكس الترفيهي في منتديات أخرى اللي دايم تكون فيه مصادمات بين الاعضاء ..
وهو قسم أسـاسي في المنتديات .. والدليل انظر إلى متابعينه وكثرة الزيارات له
و أكتفي بهذا القدر حاليا ...و أترك المجال لبعض الناس ...
الله يستر من بعض النـاس 
و أتمنى لك التوفيق ...
10-04-2008, 10:10 AM
العرض الشجري
المواضيع المتشابهه
