اللي سكن حدب المحاني هلا فيه=واللي رحل باكر يحصل نصيبه
من راح جا غيره محله ينسيه=ومن ارخص الغالين يدفع ضريبه
يوم ان قدرك في عيوني واراعيه=قدري بقلبك صار مثل الذهيبه
واليوم قلبٍ مات وش عاد يحييه=مادام سبت موت قلبي طبيبه
يانابش جروحن بقلبي مخفيه=نبشك لجرحي كل حيٍ دريبه
عليك قلبي كان ترجف محانيه=مع كل طاري لك خفوقي يجيبه
واليوم قلبي صار طاريك يشقيه=والنفس طابت منك ماهي طليبه
رح في طريقك سهل الله لياليه=مابيع في درب الهوى واشتريبه
قلبي ليامن حب يوفي لمغليه=يوم انت قلبك كل ريح تغديبه
دور على مثلك تصرفك يرضيه=مثلي مايرضى فالدروب المريبه
اول عليك اسند كبار المشاريه=واليوم كلن شرهته حد جيبه
ولاعاد لجروحن ظهر كل خافيه=الا الجسد توضع عليه النصيبه
ولاهم دام الامر هذي مباديه=آموت واحيا ماترجاك طيبه
انته تلاقي ماتمنا تلاقيه=وانا تكفي عزتي لي عريبه