قــمـــرة الــعــشــاق ......

[محمد المجول]

السلام عليكم ورحمة الله وبركاته

اقدم لكم هذه المتواضعه وهي لون جديد لم أتطرق لكتابته من قبل

وأتمنى إني أكون أجدت فيه والغايه الأولى والاخيره هي الإرتقاء إلى ذائقتكم الرفيعه

أترككم مع هذه المتواضعه

جيته أبي دين ورحت اسدد ديونه=جيته وأنا مبتلش وأقفيت وأبلشته.
غرون رهيف كسرت القلب من دونه=غصنن ليانن يميل... ولا تمايلته.
بالله ياقمرة العشاق وشلونه؟=بخير..؟ ملتاع..؟ طيب..؟ هام..؟ أشغلته؟
مرتاح..؟ حب ونساني..؟ صرت مفتونه..؟=ولهان..؟ ضميان..؟ كارهني وعذبته..؟
الأسئله ياكثرها براس مجنونه=والأجوبه مالها ردن على أسئلته.
ياما عزمت ولجمت الفكر... بخونه!!=ياكيف أبقدر وأنا مأسور مملكته.
خايف أضم اليدين... وتزعل متونه=خايف أبوس الجبين...وتشره أوردته.
لاجيت أخونه يجيني يعزف لحونه=ولاجيت أصونه تركني جور .. وأهملته!
وأرجع على القمره أسأل عنه وأصونه=من حقه الكون كونه... والبهى تحته.
شعره.. جبينه .. رموشه.. ناعس عيونه=طوله.. وعوده.. وصدره.. ضيق خاصرته.
صغر الشفايف..هدبه..وضحكته.. كونه=ياكثر بعضه... وبعضه ماتكاثرته.
إيلا أقبلت جابت الرعاد ومزونه=وإيلا أدبرت تمتم المصحف وبسملته.
يمشي دلع واثق الخطوه على هونه=سطوة جمالن طغى فالناس وأتركته.
من لامني لاتركت الروح مرهونه=يبليه ربي في شي(ن)هالني شفته.
هذا إختصار لكلامن فاض مكنونه=الكون رسمه وحلو الوقت هو وقته.
جيته ابي دين ورحت أسدد ديونه=هو مبلشن خافقي...لكني أبلشته!!