رحـــــلة .... النســـــيان !!

[محمدالنادر]

المشاركة الأصلية كتبت بواسطة صالح ال كحله

اخر ما كتبت


اتمنى ان تنال اعجابكمــ

يارحلة النسيان ,, زودتي الكيل = اسمع بك ومات الصبر في مهادهـ
وصدري شمالي ينقل الحمل ويشيل = ما لا يطاق ... من الهموم وزياده
وما جبت حرفي من خيال وتهاويل = النار .. شاهدها بقايا الرمادهـ
والذكريات اللي مثل جارح السيل = يبقى لها بث ٍ ,, مباشر واعاده
والا العلوم اللي مثل كذبة ابريل = تصير .. شرب الزاد .. وتصير زادهـ
يا هاجسي .. مشاعري لك معاميل = احطب من ضلوعي .. وشب بركادهـ
قلبي مزلك .. والحنايا فناجيل = وفاي .. بنــهـ .. والصراحه .. اقنادهــ
ضيفك مسمينه هله .. فتنة الجيل = ما عاد بقوا للاوادم ... اشادهـ
(( اعن له عنة .. هل الكيف للهيل )) = واشتاق له شوق الغريب .. لبلادهـ
واشتاق له شوق ٍ مثل طاري سهيل = عند البدو لاهب غربي .. برادهــ
شوق ٍ يعادل .. شوق اهل مصــر للنيل = شوق الجباه الطايعهـ ... للعبادهـ
وادرى .. عليه من الحكي والاقاويل = ولا استمع في حكي نقال .. افاده
عليه اغار .. من الذهب والخلاخيل = وعليه اغار من الحلق والقلادهـ
وعليه اغار من .. العطر .. واسود الميل = واغار حتى من .. قماش الوســـادهـ
عشقه كريم ... وفي مواصيله ابخيل = ويدري بحبي له .. وانا اجهل مـــرادهـ
وطيفه معي ما غاب عني .. ولا ليل = احزن لحزنه .... واحتفل في عيــادهـ

وسلامتكمـــ

الاخ صالح صح لسانك

الحقيقه اني بغيت

اقتبس منالقصيده

وحصلتها كلاها ممتازه

ماشا الله قصيده جزله

لاشك من شاعر جزل

متمكن حرف ومعنا

يعطيك العافيه وتسلم

دام عزك ودام عطائك

وتواجدك تحيات اخوك

محمد الناد ر