مساء الخير
اليكم هذي القصيده :
يامرحبا ياللي له الفكـر كـم راح = هـلا بريـحـة نـجـد والـلـي نـزلهـا
زاد الصبر والهم في داخلـي فـاح = والعين من فرقاك همـي شملهـا
الـليل طـال وصـادق الهـم يجتـاح = اعـروق قـلبٍ تشتكـي بعـد اهلهـا
في داخلي ضيقٍ وغربال وصيـاح =اعـانـي الوحـده وغيـري جهلهـا
ياصاحبي دام الصبر صار مفتـاح =لقـفال سجنٍ حظـي الـلـي قـفلهـا
فنسا همومك ولعن الوقت و ارتاح =ولا تنثر عيونـك لبعـدي كحلهـا
اشـوف زولـك وحسبـه بـارقٍ لاح = وتكثر همومٍ ليت غيـري حملهـا
أحارب الواقع وحبي لـك سـلاح = وشوفتك هي قصدي ولا أبغى بدلها
ماهمني اللي قام واللي بعد طـاح = ومـن ميـل الدنيـا لــزوم يـعـدلـهـا
وهمك يجي له يوم يا الخل ينـزاح = وفرحـتك انا بقـتـل زمـانٍ قـتلهـا
قلته وفيني شوق وطعون وجـراح = ذبـلت وهـي فينـي وأنـا محتملهـا
ومعها لك بجوفي دواوين وافراح = يا بلسم جروحي فراقـك شعلهـا
هذي هي الكلمه ونا كيف برتـاح = هـذي هي اللي قلت ارجـوك قـلهـا
واتمنى ان تحوز باعجابكم ..
اخوكم/
جابر بن جلاب