ارجااااااال يااااااااااام

[وبران ال كليب]

يشرفني أن اهديكم هذه المتواضعه على امل ان تنال شرف اعجابكم..كما آمل ممن يلتقي الاخ/سعود الخويطري أن يبلغه سلامي وامتناني ويحب خشمه بالنيابه.

‏_‏__

حديت همي للصدر والله قوي= وخاويت همي وانتظر حصايله
صابر بنية مؤمن وعزم ابدوي= واقول للدنيا مردك زايله
صابر وانا راسي من الفرقا خوي= لدلال جود ارجال يام ووايله
الى عوى سرحان بالليل اعوي = تقول كن اعواه لي واعواي له
آخيل برق" ما لرعااده دوي = ويتوق قلبي للغصون المايله
والونه اللي تكوي الظامر كوي = كنها تقول الوقت شف عمايله
ارجي السنين اللي تميل ووتستوي = وابطت وهي يابو محمد مايله
دورت لي مثلك على الشده خوي= ولا لقيت الا الوجيه الدايله
احد" سوي لكن مهو دايم سوي = واليا تجمل بي حسب جمايله
واحد" الى منه شبع والا روي = قفا ويبغاني يااخوك آحايله
واحد" الى شفته عرفت اني قوي = ضعيف نفس ويفرح ابشكواي له
واحد" يقول إنه يقدرني أووي = والمشكله عنده باصوول العايله
واللي طوى حالي يابومحمد طوي = إني سمعت القول من فم قايله
ايقول تبغي لك مثل فيصل؟ يووي! = عز الله ماانت ابلاقي" مثايله
لو تلوي اذراع الزمن بيدك لوي = مثيله أبعد من نجوووم القايله
واللي ماحصل له مثل فيصل خوي = لايتعب ابطرق الدرووب الطايله

سلامتكم