قصيدة ومجاراة لها

[مصلح بن حمد بن حويل]

هذه القصيده للامير الشاعر/ سعود بن خالد سعود الكبير هي بعنوان(مشتاق للجنه) وقد اعجبتني وجاريتها على نفس البحر والقافيه اتمنى ان تنال رضاكم واستحسانكم

(هذا القصيدة للأمير/ سعود بن خالد بن سعود الكبير )

مشتاق للجنه وخايـف مـن النـار=بين الرجا والخوف بقضي حياتـي
أحيان يزيد الخوف عنـدي بمقـدار=لأني كثير ذنـوب ومـن العصاتـي
ولأني أتوب من الخطايـا والأوزار=وأرجع أطيع النفس في المعصياتـي
يالله أنا من نفسـي اليـوم محتـار=أتعـب وأنجيهـا وتبغـي مماتـي
يانفسي اللي تأمر بسـوء واشـرار=أريـد بـك خيـرٍ وهـذا جـزاتـي
يانفس يوم الحشر ماتقبـل أعـذار=وفي الجنة الفردوس نبغى المباتـي
لكن عندي لك سـؤالٍ لـه أسـرار=وشلون ناصلها وهـذي سواتـي!؟
حملي ثقيل ومنه جسمي قد انهـار=وحتى الخشوع مضيعه في صلاتـي
فيارب كيف أدعوك في وقت الأسحار=وكلي ذنوبٍ في العلـن والخفاتـي
وياكيف أنا ما أدعوك والاسم غفـار=تغفر ولـو مثـل البحـر سيئاتـي
أنـا أدري ان الله عظيـمٍ وجـبـار=وأنـه رحيـم وكلنـا لـه بناتـي
وإنه علـى خلقـه حليـمٍ وستـار=وإنه رقيب وكامـلٍ فـي الصفاتـي
فيا الله يامنزل من الغيـم الأمطـار=يامنبت من الارض خضـر النباتـي
يامجري من القطر وديـان وأنهـار=ومن الحصى منشي جبال السراتـي
يامقلب قلوب الخلايـق والأبصـار=ياحاشـر خلقـك حفـاةٍ عـراتـي
أسألك أنا خشيتك في سـر وجهـار=وعلى الهدى طالبك ربـي الثباتـي
أسألك حسن الخاتمه بآخـر الـدار=وتوبة نصوح وعفو قبـل الوفاتـي
وأسألك أنا الجنه مع وفـد الآبـرار=مـع النبـي يـارب هـذي مناتـي

وهذه هي مجاراتها اقول فيها

يابومحمد كل حرفن به اثمار= قصيدتك عذبه سواة الفراتي
لله درك تبني البيت باسوار=حصنن حصينن من جميع الجهاتي
ياسعود هل الدمع ياسعود مدرار=وخذيت عبره في البيوت وعظاتي
يارب يامن قدرتك فوق الاقدار=يامن حمى بيته من اعتى الطغاتي
بيتن تجيه الناس من كل الاقطار=لارضاك يامن تعلم الخافياتي
ياذو الجلال المعطي المانع الضار=النافع المقسط عظيم السماتي
يامن صلاتي لك على طول الاعمار=واحج لك واخرج على امرك زكاتي
ترحمني ان جاء يومي وصار ماصار=يومن اودع فيه واكتب وصاتي
ورحلت عن دنياي في غمض الابصار=وهلوا على قبري تراب وحصاتي
ولاعاد يبقى الا العمل والدعا البار= ولا اصدقه منها الاجر والغناتي
اني الى وجهك من المعصيه فار= وارجوك واخافك اريد النجاتي
من هول يومن ماتوصفه الاخبار= ومن حر نارن مااحتملها بتاتي
نارن لهب وقودها ناس واحجار=رحمتك يامن تحصي الكائناتي
القلب ينهى النفس والموت غدار=ومن لا انتبه راحت حياته فواتي

وسلااااااااااااامتكم تقبلوا تحيات اخوووووووكم