' اشقر يخالطة الغتاري '

[بطاح]

هذي قصيدة شفتها بمنتدى وهي تحكي عن الطير ما اطول عليكم وهذي القصيدة :

الايالله يـاخــلاق بـــاري
ابي طير(ن) على كيف اختياري
ابي طرح الحنو ولـلا الحمـاده
ابيه اشقـر يخالطـه الغتـاري
ابي عمره بكر ماهـوب ثانـي
ونجير الفرخ باق(ن)به مـواري
وابي زوره عن الثنـدات بـارز
ابيه اجردقليل الريـش عـاري
وعرضه فاق طوله فـي قياسـه
عليه الصدر مرصوص الهباري
ولامن طار مـن خفـة جناحـه
تحسبه من صغيـرات الوكـاري
ابيه اربع طعش ريشـه بذيلـه
احد داري واحـد ماهـوب داري
قصير الذيـل والتابـع وساقـه
وفخذه مثـل مبـروم العجـاري
وضاق الساق من حجله وسبقـه
وكفه من ورى الوكر استـداري
طويل اجناح والعاتـق وفخـذه
ومعه تابع مثل حـد الشبـاري
الايالله يـــارب الـخـلايـق
يجي مثله معي وقت الصفـاري
ابيه اليا لقـوا شـرد الحبـاري
وقامـوا وخرشوهـا بالبـواري
وعجزالجيروالشيهـان عنـهـا
وعجز الفرخ وقرناس الصحاري
افكـه لادعوهـن وقضبـوهـن
وهي بكبدالسما مثـل الـزراري
يصيده ماتتقـت عـن عيونـي
ولوهي من خريشات الحبـاري
الامنـه صفقهـافـي سمـاهـا
تقـل مرميـه بطلقـة سـواري
تشوف الريش من مضراب كفـه
على مد النظـر مثـل الغبـاري
وابـي مايحتـرك الا عليـهـا
ولوفرعـت بـه كـل النهـاري
وابيه اليـا تحدانـي امتحـدي
وجاب اله الخريش من الخضاري
يفكه لـه سلـم ماشـال ريشـه
معا هـاك الصياهـد والبـراري
يرددهـا علـي مـاراح نـيـه
يقلبهـا طـلـوع وبنـحـداري
ومن زود الرها مافيـه صفـره
ولابـه ذبذبـه ام الحـجـاري