قصه وقصيده عن كرم شمر ب(نجران)

[راكان اليامي]

بسم الله الرحمن الرحيم

قصة وقصيدة عن كرم شمر بالجنوب

اخواني المشرفين اخواني الاعضاء الضيوف الكرام :

السلام عليكم ورحمة الله وبركاته

انا ساطرح موضوع في كرم شمر في الجنوب والذي اريد ان يحوز على رضى

الله ثم رضاكم وهذه القصة والقصيدة بالأحرى هي مفخرة لشمر كلها وساطرح الموضوع عن الشيخ او الامير\مشل بن سالم بن طواله الاسلمي الشمري امير

الفوج التاسع والثلاثون بنجران رعاه الله. وهو الوحيد الموجود بالجنوب له سمعة عند

اهل الجنوب كلها واهل الشمال ربعه شمر والي محاذينها من القبائل المجاورة

والبعيدة ودون قصور بالجميع وكل شمر طيبين وهذه القصيدة من واحد يامي

وقصيد الاجناب احسن لانه من اجناب اما من نفس القبيلة ماهي مثل الي من

براء الي من براء اطعم لان كل واحد بيمدح ابن عمه وهذه القصة كالتالي:

هذه القصيدة سمعتها بعرس الشيخ محمد نجل الشيخ مشل من الشاعر

عبد الله بن حفول ال سعد اليامي فاعجبتني القصيدة فوددت ان اعرف مناسبتها

فسالت حتى وصلت للذي اريده .كان الشاعر عبد الله اليامي قد مر ببيت

الشيخ مشل وراي الرجال والباب المشرع والطيب اللي كل اهل الحي من

الطيب يتعطرون فدفعه فضوله فدخل ليرى وش هال البيت ولما دخل وجد

الترحيب ويالله حيه كالعاده وهذا ليس بغريب على الشيخ مشل وقهوه وطيبوه

ووجد العلوم الغانمه وقال على اثرهذا قصيدة جميلة جداً والامير مشل

يستحقها واكثر من ذالك وقال الشاعر عبد الله بن حفول اليامي :

في غفلة الحسـاد ناديـت انـا القـاف=لبى الندا في صرخة احسـاس محـزون
قلت احتضر عذب المعانـي ولاهـداف=وانص الشيوخ الي على العـز يطـرون
تنصا هل الطولات زبن اللـذي خـاف=روس الرجـال معقلـة كـل مجنـون
ملفـاك شيـخ للمواجـيـب عــراف=ابيـه واجـداده وربـعـه يشيـخـون
امير من عهـد الخلايـف والاسـلاف=سـاس الامـاره والمخاليـق يـدرون
مشل سديـد الـراي شهـم ومضيـاف=كريـم سبـلا يمـه الركـب ينصـون
ابـو محمـد نايـف وابـن نــواف=ابن طواله شبـه قصـر لـه حصـون
قصر الذرى بسمـان الايـام وعجـاف=وملجا لمن هم جايـر الحمـل يشكـون
حلال عقده مـن هواجيسـه اضعـاف=ويـروح مـن عنـده سعيـد وممنـون
كم جاه شاكـي حاجـة بيـن الاكتـاف=يفـداه منهـم لـو قضوهـا يممنـون
المدح يا سـاس العوايـد لـه اصنـاف=انتم بها عـن سايـر النـاس تـدرون
والمال دون المـدج والـروح تنعـاف=بعد الرضامن خالـق النفـس والكـون
ذا طبعنـا يـا ميـر والطبـع ينشـاف=عن يام اترجم صـورة لـك يحملـون
صورة وفاء والصمت عن وصفها طاف=وفيك المشاعـر بحيـث كـل مكنـون
فالعذر ياصقـر بـدا راس مـشـراف=يا فخر قاف جالـك وافـي ومـوزون
متمكـن راعـيـه مـابـه تـكـلاف=وقول على فعل لـه النـاس يصغـون
ماقالهـا عنيـام جـاهـل وخــواف=بـل قالهـا اللـي لابتـه مايهـابـون
قبيلتـه ممـن لهـم سلـم واعــراف=من سعد ابـن غـوث بزيـاد يعـودون
من يام ابن يصبا مصليـن الاطـراف=لمـا احتمـى حـوض المنايـا يعلـون
عرفت للقـاري ومـن يسمـع القـاف=حتى يكون الهرج واضـح ومصيـون
حق المعرفه واجـب فيـه الانصـاف=وهـذا مـن ابسـط واجـب تستحقـون
يامير عجز القاف لو ضفـت ينضـاف=وعن فعلكم ابيـات شعـري يعجـزون
لـو الكـرم حـي ول راس واطـراف=ابـن طوالـه للكـرم راس وعـيـون
وان كان جـم دونـه الجـرف هيـاف=يـارد مشـل ويعـل قـدام يــردون
وان كان صيد سكتـه شوكهـا حـاف=شروا مشل يرقى على الصيـد بالهـون
ولو الوفا سد عجز عنـه مـن طـاف=فالسل مشـل ولابتـه جسـر وركـون
ولوكانهو شقرا عصـت كـل عسـاف=في قبضته عوص الاصايـل يطيعـون
والصدق لو يشهر علي قولـه رهـاف=عـادات مثلـه للعـوايـد يصـونـون
مهما وصفت وقلت يبقى لك اوصـاف=كـل المجـالات الرفيعـه تـروردون
الباب من طيبـك مشـرع بـالارداف=والمجلـس اللـي ماضيوفـه يمـلـون
مجلس شرف يلقى بـه البـارد لحـاف=ويلقـى بـه الطرقـي رجـال يهلـون
والعود الازرق من على الحـي طـواف=عطـر بيـوت الحـي والـي يمـرون
هيف السمين وينثنـي عنـد الانكـاف=عز الصديـق وللعـدى سـم وطعـون
لـه لابـه حربـهـا ذاق الاتــلاف=شمر علـى روس المنـاوي يدوسـون
ضرب العـدا ماردهـم عنـه اسـراف=فيمامضـى واليـوم بالحـق يمـشـون
لـو يجتمـع شعـري ملاييـن والاف=ياصـف غلاكـم عندنـا مايكـفـون
فـي ظـل دولتنـا وليـف وميـلاف=احباب واصحاب على الحـق يمضـون
حكامنـا ال سـعـود روح بلجـنـاف=حامين شـرع الله فريضـه ومسنـون
دمتو لنا مـا حولونـا شـر وخـلاف=ودامو لنـا فالحـظ عالـي ومصيـون
وصلات ربي عد من حـج ثـم طـاف=على النبـي المختـار ياللـي تصلـون