شكر و عرفان لاصحاب المعروف
قبيلة ال خميسه قحطان
وعلى رسهم صاحب المعروف ابراهيم ابن حمد
وعياله و جماعته ، بعد ما عفوا عن ولد جارهم
جارالله الفهادي الذي قتل ابنهم عن طريق الخطا
القصيده للشاعر / محمد ابن غريب ال عبدان
بدعت القوافي و ببدي با الكلام الزين = وأنا هاضني فعـل بدوا فيه لابطالي
هل الراية العليا على المرجله ضارين = هدفهم لدرب الجود ماهوب فلمالي
ولدهم عطوه وقالو الجار له حقين = على شان جار البيت و الا الولد غالي
جزاهم من الله خير والفـوز لهـل الدين = وعسى للفقيد بجنة الخلد منزالي
رجال الوفا وهل الوفى دايمن وافين = مداهم بعيد وحظهم دايمن عالي
عطاهم لوجه الله وفعل يشوق العين = ورفقة الرجال من قديمات لجيالي
ترى حقهم بيضا ترفرف مع الماشين = ويرفع علمها في طويلات لقذالي
ومن منطقة نجران حتى حدود الرين = وسنّد بها تثليث ياطيب الفالي
وتنشر مع العالم وكل العرب دارين = ويدري بها لوّل ويدري بها التالي
بدت من قبايل يام يقرونها القارين = ورد الثنى ياجب على كل رجالي
وترا البيضا لآل خميسه والعلوم تبين = وتثنى عليهم كلهم شيب و عيالي
الآد الجحادر صلب قحطان ومسمّين = سلاطين يوم القوم رجلي وخيالي
وحن نعتبرهم من بني عمنا لدنين = كلام على معناه والصدق ينقالي
وحاجاتهم مقضية دام حن حيين = وما دام في جو الفضا شمس ظلالي