{بدر العجمي} وعبيدالله العرابي ( اخر محاوره جرت بينهم )

[راشد العتل]

	جرت امس الأربعاء 10 \ 1 \ 2007 في منتديات عادات محاوره بين عمالقه الشعر وكباره الشاعر العلم الأستاذ : عبيدالله العرابي والشاعر العلم الأستاذ : بدر العجمي بدر العجمي : يالعرابى شد حيلك شد والدعوى طويله=وانت ماهر بالسباحه والبحر 90 غبـه رمح ابن غانم بتر له راس ويدور بديله=وابن غانم مايهمه شى وانته لاتسبـه عبيد الله العرابي : حاضر بحاضر وعان السرج في ظهر الاصيله=خابر إن المـوت واحـد تكرهـه ولاّ تحبـه رمح بن غانم بتر له راس مانعـرف دليلـه=وآنت يالعجمي تبي تبني على اللي راح قبـه بدرالعجمي : ابشر ان النار يارجال فـى خشـم الفتيلـه=يالعرابى ماش حاصل لك مع الايـام حبـه العيون اللى تهل ادموعهـا فـى كـل ليلـه=انكشف فى جمجمتها السوس وانا اعرف طبه عبيدالله العرابي : يوم هي لمدامغ الروس أقفت البنت الجميله=ماحماها ياوسيـع المعرفـه بـابٍ وظبـه العيون اللي تهل دموعهـا ماهـي قليلـه=راح عمرك وإنطفى جمرك ويادوبك تشبه بدر العجمي : ياحليل اللى نسى ميقاف ربعه ياحليله=فالزمان الاولى يوم الولد وقته لعبـه مالكم مصلوح فى سكة قطار يلف ذيله=القطار اللى مع الايام هزهزكم مطبـه عبيدالله العرابي : مانسينا شيء مير الهيل ماهو جنزبيلـه=وآنت ماصبيت لك فنجال غير اللي نصبه القطار أنتم مع الايـام طوّرتـوا مديلـه=كنت قبل اللي حصل في كل سكه تنتصبّه بدر العجمي : وضعكم يصحابنا يصحابنا جى فيه ميلـه=وان لقينا الميل فالاصحاب مانقدر نكبـه النصيحه عادت المسلم وهى تنسب فضيله=يالله انك تنصر اللى عارفن دينـه وربـه عبيدالله العرابي : وفّ كيلك لكن الحب المسوّس لاتكيله=من غَلَب بسلاح غيره تالى أيامه غِلِبه النصيحه طيبه لكن مافي يـدك حيلـه=الجمل ورّث لميراده ولو هو طال غِبه بدر العجمي : العميل اللى تعذرب سلعته وانته عميلـه=لبسك جوخه ولا منك بردت اعطاك جبه الفصيله واحده لو قلت من نفس الفصيله=والجبل عان الهبايب يابيض الشارب تهبه عبيدالله العرابي : أحد ضيّف له نفر واحد وأحد ضيّف قبيله=أطو مشلحك المقصّب وادرقه والريع ذبه الفصيله وحده لكـن كـلٍ لـه حصيلـه=والليالي ماتجيـب العلـم للـي ماتنبـه بدر العجمي : انت تدرجها كذا ولا كذا تبغـى وسيلـه=40 مسرحـه والكـوع ماتقـدر تحبـه اتفكر فالعرابى يوم ينفض مـن شليلـه=اثره اللى من صواديف الزمن عقله مسبه عبيدالله العرابي : ماخبرنا الوادي الممطور سال بغيـر سيلـه=مـن جبالـه لاشعابـه لامسيلـه لامصـبـه آنت عينك فى المزون وكـل بـرّاقٍ تخيلـه=سقف بيتك من جريد وسقف بيت الناس صبه