هذه القصيدة للشاعر المبدع : عبدالرحمن عادل الشمري والتي ألقاها في البرنامج المادي شاعر المليون 0
للفقر لذة فـي عيـون الهواميـر = شوفوا شلـون بفقرنـا شاركونـا
دينارهـم يستنسخونـه دنانـير = ولو هو طلبناهـم تـرا ماعطونـا
حسرة قليل المال بكفوفهـم غيـر = لو هو ذهب يمدي خذوه وخذونـا
الله لايجـزا هكالطـالـع بخـيـر = اللـي عليـه بعافيتنـا احسدونـا
تجمعت شرابة الماء علـى البيـر = ياحليـل عنـه الجماعـة حدونـا
جونا شتات اصفر تلقفهـم الطيـر = بلـوى ياليـت بشرهـم مابلونـا
طاوع معاهم من لقى دهنة السيـر = ولاّ وش اللي سكّتـه يـوم جونـا
ذقنا على ايديهم هوان المشاويـر = ظيّعهـم الله مـثـل ماظيّعـونـا
وش صار فينا وش بعد باقي يصير = يافاهميـن السالـفـة فهمـونـا
المشكـلـة ياحبـنـا للمعـاذيـر = والناس وصلوا للقمـر واسبقونـا
دايـم نسـوي للخيانـات تبريـر = والظاهر الخاين طلـع كـل ابونـا