قصيـده جديده للشاعر:سعــد بن عـلوش الهــاجري

[ابونايف الوعيلي]

اخــر حـركـات التغـنـج و الـهـنـا
..........اللـي اسمهـا مهـا و بالدلـع مـهـاوي

فرفـورةٍ تسّلـف الشمـس السـنـا
.........مغويـةٍ و يطـرد سراهـا كــل غــاوي

إن وقفـت كـل شـي متبـاعـد دنــا
.........و إذا مشت كل شي متلخبـط تسـاوي

و اليـا مشـت قـال النمـل الله لنـا
.........تقاو يـا صبـري علـى جوعـي تقـاوي

ذروة ترف ذروة غنـج ذروة هنـا
.........جمـال مـا يستـوعـب و مــا ينتـقـاوي

مخلوق لا من انثنى يعنـي انثنـى
..........كــل الـزوايـا تستقـيـم الـيــا تـــزاوي

في جنبها سـاره و عبيـر و منـى
..........شباب و عند البل و كشختهم فـراوي

يا بوي شي لا يوصف ولا ينجنـا
..........يسبـب إلـك جـروح لا يمـكـن تــداوي

مثال: إذا جاعت و طال بها العنا
..........كل الحلاو اللي على هالأرض جاوي

هي جايعه ؟! يـا رب تاكلنـي انـا
...........هـذه سواليـف الحـلاو مـع الحـلاوي

و إذا خذت اطرف حلاوه من هنا
...........كـل الـحـلاو يشوفـهـا و يـقـول واوي









ابونايف الوعيلي