ظاهره قديمه , جديده ,, ولحيتن احشمها ولحيتن احشم نفسك عنها

[ملكعه بس غير]

يسعد لي صبااحكم ومساكم يااعضاء منتداي العزيز :love:
وش حالكم عساكم بخير
قبل فتره كتبت موضوع عن الحريم اللي يتبعون الموضه والسلبيات اللي فيه
واليوم موضوعي بعد عن الموضه وسلبياتها بس مع الشباب هالمره
[fot1]مــلااااحــظــه مــووووهــمـــه[/fot1]
((:wilted_ro محشووومييين ياشباااب المنتدىى عن اللي بقوووله :wilted_ro ))

صفينا النيه خلونا ندخل بالموضوع

انا اذكر اول الصيف قريت في مجله عن ظاهره منتشره بالكويت بين الشباب طبعا
وهي طريقة لبس يااالله ياربي سترك وعافيتك
وشلون يلبسون
يلبسون جينز وينزلونه مو لحد الخصر لا والله لتحتها ويطلعون السروال الداخلي !!!!! << مية الف مليون علامة تعجب
اللحين وين الكشخه فيه يوم يطلع لنا اللبس الداخلي هاه ؟؟؟ يعني بتورينا انه ماركه ؟؟ طيب وان كان ماركه خير ياطير ???
قسم بالله انها انواع الفشايل هاللبس بس مدري هالعالم وشلون يفكرون اصلا ماظنتي اللي يسوي كذا عاقل او انه في وعيه
يحسبونه تقدم وتطور في تقليد هالغرب احلف بالله ان هذا قمه بالتخلف
لاواللي يبغضني زياده تجي هالسراويل الداخليه فيها قلووب حمر وملونه ومنقشه << يهبون مورياجيل اللي يلبسونها


قسم بالله اذكر اني يوم شفت صور هالمهبل اللي لابسين ويتمشون بالمجمعات وبين خلق الله عادي قلت مستحيل في غيرهم اكيد مافيه غير كم بزر ذولي اللي بالمجله
لكن للاسف خاب ظني رحت لمجمع الكوت الصبح انا وامي ويمر من جنبي واحد اعطيه عمر 27 او28 ويوم جا قدامي ورب البيت اني شهقت بصوت عالي واقول لامي يماااه شوووفيه
قالت امي "جعلني ماابكيها" ياويلي عنه سرواله زالق ولاحس فيه << يامال العافيه على نياتها بس والله ماتنلام
وهو يسمعنا لأنه قريب ومن قواة عينه يتلفت علينا ويطالعنا من فوق لتحت قسم بالله الود ودي اني ابط عينه هالمتخلف وانقده على لبسه
لكن لحيتن احشمها ولحيتن احشم نفسك عنها
الله ابو هالاشكال اي والله

وانا كنت ناسيه هالموضوع والسالفه بس اللي ذكرني اني قريت معلومه وذكرتني في هاللبس
بتقولون وشو ؟؟
هاللبس تراه موجديد الا قدييييييييييييييم من ايام رسول الله لوط عليه السلام ورجعها مصمم ازياء اوروبي معروف صاحبه بالشذوذ
وتدرون وش كانت مواصفات لبس قوم لوط واللي كانو مشهورين باللواط والشذوذ والعياذ بالله من هالبلاء

1_ فـتـح صـدر الـقـمـيـص: وكـان قـوم لـوط رداءهـم يـشـبـه الـقـمـيـص الـبـاكـسـتـانـي
الـحـالـي وكـانـوا يـفـتـحـون صـدره تـبـاهـيـا ً بـأنـفـسـهـم

والـحـيـن نشوف بعض الشباب الصدر طالع ومعلق قلاده واللي يتفاخر بكبر صدره وكثرة الشعر فيه << انواع القرف والله


2_ إنـزال الـبـنـطـال إلـى مـا قـرب عـظـم الـحـوض ، إنـزآل الـبـنـطـآل حـد عـظـم الـحـوض وإظـهـآر الـسـروآل الـدآخـلـي :وهـي صـفـة الـشـبـاب الـشـاذيـن
فـي قـوم لـوط مـمـن يـفـعـل بـهـم الـفـاحـشـه..

لاحول ولاقوة الا بالله
وهذي هي الموضه اللي منتشره هالايام بين الشباب وحتى البنات ياربي سترك ومسوينها على عماهم مايدرون وش معناها بس حتى لو يدرون ماظنتي بيغير فيهم شي لانهم مارضو بلبس مثل هذا الا وهم بدون عقل

يعني هاللبس يجرد الرجل من رجولته ويجرد البنت من انوثتها وحيائها فلاحول ولاقوة الا بالله

طيب عدت تساؤلات في بالي وعجزت الاقي لها حل اللي يقدر يجاوبني يجزاه الله الف خير
ياخي هالعالم وين اهلهم مايشوفون عيالهم يلبسون هاللبس ؟؟ يعني معقووله شايفينهم وجايزن لهم هالوضع ؟؟؟
طيب هالخدش الجبو اللي شفته انا وامي وش كبره مااستحى على وجهه ماقال امشي بين رياجيل ونسوان وكلهم بيشبحون فيني وش بيقولون عني ولا وش بياخذون عني من فكره ؟؟
يعني معقوله مافكر بهالشي ؟؟

ودي امسك احدهم واشوف وشلون يفكر هالحمار عزكم الله


طيب دام هالإنسان راضي بهاللبس
والأب اللي راضي بعياله وبناته يلبسون كذا
تــرى مـااااحــنــا مـلـزووومـيـن انـهم يـبـلونـااا بـبلاويـهم ويـغـثـوووونااا
ليه مايحطون ناس تراقب الحشمه واللبس بالاماكن العامه ويطردون اي احد لبسه مخالف ولايغث خلق الله ترى مهما بلغت في ديرتنا الديموقراطيه والتحرر ماننسى ان حنا دوله اسلاميه وفوق هذا عرب ولنا عادات وتقاليد والله عييييييب اللي يصير عييييييييب

قسم بالله انا وحده تلوع كبدي وتنفقع مرارتي لاشفت هالاشكال ياخي ينرحمون على عقولهم الصغيره :cry:



وصدق رسولنا الكريم صلى الله عليه وسلم في حديثه ( لتتبعن من كان قبلكم شبرا بشبر وذراع بذراع حتى لو دخلو جحر ضب لتبعتموهم قيل يا رسول الله اليهود والنصارى قال فمن؟ ) رواه البخاري ومسلم ...

صلى الله عليه وسلم وجمعنا معه في جنان الخلد وعفانا الله واياكم من هذا البلاء والله يهدي شبابنا وبناتنا والله لايبلانا ولايبلاكم وشرِ يتعدانا ويتعداكم ويروح لاعدانا واعداكم ... آمــيــن

واسمحووو لي عالاطاله والعذر اذا تعديت بكلامي حبتين زياده بس والله من حر مافيني خصوصا لاتذكرت اللي شفته بالسوق ياهي غبنه تصيبني