اسال مجرب !!

[فزاع]

ترى المراجل من عنى الضيم تولد=ولا تعتلي إلا توازي كمدها
ولا تاتي الدنيا مع الداله بضد=ايلين يغرق ثم يشرب لهدها
بنصحك يا سامع ترى النفس تشرد=إذا ما تلاجمهاتتابع شردها
إسأل مجرب ساقها لين ما مد=يمناه يطلب رحمة اللي فردها
من سار فيها يجمع المال يحصد=يترك حصاده للذي ما كبدها
ولو كان مال يتم للي مسى يعد=ان كان تعطي الأم عمر لولدها
لو للتمني باب ان كان يسعد=كل البشر تلقى معالم سعدها
دنيا تجاربها كما السيف الابرد=وأحد من برد السيوف في حصدها
لو كل جرح في خفا النفس يضمد=ان كان قبلك كم واحد ضمدها
في عمر دنيا ياتي الضيم لابد=لاشك ما ترحل ليالي رغدها
ياكم معتوه عليها تمرد=وامسى يضم من الخساير عددها
بعد العلا والعز أصبح مشرد=ويقوده اللي تحت أمره في عهدها
كذا الليالي مالها عم وجد=ما ترحم اللي بالغشامة عبدها
من ياخذ الدنيا على محمل الجد=يصبر على ضيمه...يفوز برشدها

الشاعر عبيد بن سلطان الظاهري