ماهوب بشرط إن كل مطرود ملحوق.............وعبد الرحمن بن بديع الشهراني

[عاشق الأماكن]

اشغلتنـي ياهـم واسهـرت عينـي = من زرتني والنوم مايدخـل المـوق
لازارنـي همـي وبيـح كنيـنـي=خذيت لي لا هـود الليـل طـاروق
امـا اللعبـه مسحـوب ولا هجينـي=من ضيقتي ماهو من الوله والشـوق
ياحسرتي ياما مضـى مـن سنينـي=والله يستر لايجي الطـاق مطبـوق
اللـي مـن الله كاتبـه فـي جبينـي=سبحانه اللي دبر الرزق مـن فـوق
امـن العـدم لـو اتوسـد يديـنـي=في ذمتي ماهييـن نفسـي لمخلـوق
وكرامـةٍ منـهـا تـعـدا يميـنـي=والله ماحظاهـا ولا اذوقـهـا ذوق
ووالله ماجـي واحــد ٍ مايبيـنـي=لو كان يلحقني من الوقـت ملحـوق
ولاني وراء غرات ربعـي ادوينـي=وادخل على الله ماعرف الغدر والبوق
واللـي ليامنـي زهمتـه يجيـنـي=باسوق نفسي لابـدا لازمـه سـوق
لـو الحجـاز ونجـد بينـه وبينـي=الاٍ عنه يمنعنـي المـوت والعـوق
لوضعي ولسراري وشينـي وزينـي=عهد ً علي لاخلي الصـدر صنـدوق
للناس لو اسـرار صـدري تبينـي=والله ماتنفعني وانـا منـك مزنـوق
ماينفـع الا فزعـتـك يامعيـنـي=ماهو بشرط كـل مطـرود ملحـوق