(((عسى وصلي يدوم)))

[نواف محمد بن شلوان]

أخواني وخواتي الاعزاء
أسعدالله مساكم
بكل خير

والله ان قدلي ونا كل ليل وكل يوم = أتحرى جادلٍ كامله بوصوفها
لاقبلت يرتاح قلبي ويسلا من الهموم = يرجهن القلب وارتاح يوم اشوفها
مخلصٍ بالوصل ياالله عسى وصلي يدوم =والله انهالي وليفه وانا مولوفها
وصفهاوصف القمر والعذارى كالنجوم = خشف ريمٍ لامشت قايده لخشوفها
أشهدٍ فيها جمالٍ مع الغير معدوم = خدهابرقٍ تكاشف بوسط قنوفها
عنقهامنتوق وعيونها سيوف وسهوم = كن صفة رمشها عسكرٍ بصفوفها
مرحبالاجات تمشي على روس القدوم = والجدايل مثل ليلٍ تغشا اكتوفها
عايشه وسط الترف ماشكت حروسموم = من ترفها كن لمس الحرير كفوفها
والله ان لد النظر في سنعها اكبر لزوم = هي ضياء عيني علي ياكبر معروفها
ودي انظر عودها يوم تجلس ثم تقوم = بري حالي لنطوى الثوب فوق ردوفها
تشبه الوضحا من احيالها المبطي ردوم = من خيار الذود في ذود بين نوفها
ضمها اللي كل منشا من القبله غيوم = عس من عقب المطركل دار يطوفها
والله اني من سببها من النوم امحروم = جعل يسقى يوم تقبل علي واشوفها