لعيونكم (صمت الشعور)

[فيصل المريسي]

هنا في مملكة صمت الشعور ودمعة الاحزان=هنا ياسالفة عمر المكان وضيــــــه ونــوره
هنا شفتك مثل حلما كانك من ملوك الجـان=تمري داخل انفاس الغرام وتسكني شعوره
قريتك من نظر عينك وقلبك مابعد لي بـان=واحسك من نظر عينك شقيه وبنت مغـروره
شعوري ماخدعني يوم ولاظني بعد غلطان=اجل وشلون لا شفتك وتهت بعالم الصــوره
ياخوفي ينكسر داخل غرامي كبريأانسان=واموت من الوله واقف على اطراف تنــوره
دخيلك خففي عني جحود الحـب والعصيان=دخيلك لا تخليني مــــثل من ينتهــي دوره
كفايه اني من عنادك شربت الذل والحرمان=واحس اني وسط قلبك وانا في ارض مهجوره
كأني ماخلقت الا الملم باقــي اللي كـــان=وانا قلبي مع قلبك جروحه تلغي حضــوره
الا ياساكنه بين الضلوع وروعة القيـــــفان=دخيلك كفني قلبي بنبض الشعر وبحـــوره
وعودي بي الى صمت الشعور بداخل الجدران=مـدام الصمـت مايقبـل يضـم ابـيـات مكـسـوره
وتعالـي جربـي حضـي وهـدي ثـورة النسيـان=تعالـي لعنـبـو جــدك عـلامـك لـيـه مـغـرووره
علامك شايفه روحك علا بالك انا خسران = انا ديره من احلامك وبالاشواق معموره
انا كلي وطن روحك ونبضك داخلي اوطان = وجرحي داخلك ينزف ولا حصلت دكتوره
تعبت اضمد اجروح المكان ودمعة الوجدان= تعبت اكذب على نفسي واقول البنت معذوره
نسيت اني مجرد شخص يلملم داخلك احزان = ونسيت انك مثل ظلك وبالاعذار مشهوره
نهايه مؤلمه صارت تعيش بعالم النسيان= وصارت تحتظن ( قلبي ) مثل برواز للصوره