( مـن خـلــقــتـي مـاقــلــت تـكــفـى لــرجـــال )

[منصور الرويلي]

تكفى ترى ماقلتها مثل هاليوم = من خلقتي ماقلت تكفى لرجال
ولا عمري أنخى من الشغاميم شغموم = حتى لونه حدني أشهب اللال
منخى ؟ ولاكن لانخاني من القوم = له أنتخي لو حالتي حالها حال
أقوم والا علني يوم ماقوم = أسوق له وجهي وكفي وماطال
والعبد ماصابه من الرب مقسوم = ولا تزعـِْـل القسمه طويلين الامال
واليوم شفني قلتها ماهي علوم = ناديت بعلا الصوت تكفون ياعيال
أقولها وأنا من الوقت مزحوم = للوقت ميله 0 وللمواقيف رجال
ولاني بمن يشفق على الشتم واللوم = قضاب ميلة صاحبه كل مامال
تكفى ترى ماقلتها مثل هاليوم = من خلقتي ماقلت تكفى لرجال