ســــــلام يـا يــــــــــــــام

[بنيان اليامي]

ابيات رائعه من قصيده للشاعر عبد الرحمن سعدي العبدي الشمري

في قبايل يــــــــام

أقول الـحمد لله ما علت في أرضنا أعــلام=
سلامي عد ما حج الحجيــج وكبروا باحرام=
سلامي عد من زكى زكاته ثم صــام وقام=
سلامي عد ما نكتب على وجه الورق بأقلام=
سلامي عد ماالبلبل يغني بالغصــون أنغام=
سلامي كلما مالت غصون وحركتها أنسـام=
سلامي كلما اشتاق المحب لمن يحب وهام=
سلامي ياهل الطولات يا درع العرب يا يام=
رسوا مثل الجبال الراسيات إن زلت الأقدام=
إذا طير المنايا فوق هامات النشاما حـام=
وإذا ماقام سوق الموت يوم المعركة يا قام=
يعشون السباع الجايعه روس الشيوخ اطعام=
لهم رايٍ مصيب ما يحير إن حارت الأفهام=
إذا لانوا فهم أبرد وألطف من نسيم الشام=
سلمتوا يا سيوف الهند ومضربها يقص الهام=
يا ويل اللي نوى حرب الأسود وغرّته أوهام=
الأفعى من يجيها إن بدت بأنيابهـا الأسـقام=
أشوف الطفل فيهم يا نشا كالليث كالضرغام=
هم الملجا هم الملفا لمن هو يشكي الأيام=
كرام نفوس أهل ناموس عزّ اللي شكا وأنضام=
كرام ومن كرام وضيفهم ما يعدم الإكرام=
هم أرحم بالخوي وأكرم من الوالد على الأيتام=
إذا كان السنة فيها ليالي تختلف وأيام=
سهرتوا وانتهضتوا للمراجل والعفون نيام=
دروب المرجلـه والطيب ما تاتيك بالأحلام=
لبعضهم من بعضهم دوم عصابة راسهم وحزام=
أنا شاعر على كيفي ببحور الشعر عوام=
أنا أحفظ قصيدي عن هزيل القول والأوهام=
أنا من دار حاتم جيت وأظن الشعر ما ينلام=
جميل الشعر وأعذب شي شعرٍ صادق الإلهام=
أجل عشنا وشفنا ومن يعيش يجرب الأيام=
أنا من نجد جيت وخاطري تلعب به الآلام=
أنا من دار حايل (شمري) ولي الفخر يا يام=
شمر والذيابه يام ركن وللفخر مرسام=
وختام القول صلى الله على من ناصر الإسلام=