محاورة _المسعرى_ و {بدر العجمى} (بإختصار)

["بدر العجمي"]

سلام رديـه ونادولـي بـدر يامـن لقـاه=عندي علوماً ولازم انه يردلي مضمونهـا
قال المثل مافيه علم يجيك من تحت الحصاه=مير البلاد اللـي تغيـر بابهـا وشلونهـا
يامرحبا واللى تدور له حضر وسمـع نـداه=والكلمه اللى مـن لسانـك قولهـا واصونهـا
يالمسعرى لو شفت بطن الذيب تلقى راس شاه=مابه سلامه يوم جاها مـن وراهـا ودونهـا
لا واهنيـك يابـدر لاواهنيـك بالهـنـاه=تسج رجلك والديار اللي تبـون تجونهـا
منته مثل صاحبك ابوخالد مقيد فـي قنـاه=سلط على ليلى العشيقه وش غلط مجنونها
يالمسعرى دوس المخاطر دوس يامال الغنـاه=وبعد مشاحك ونفخ الجمـره علـى غليونهـا
شرفت فى مشراف واللى شفت نجمٍ فى سماه=ياسهيل شكلك شكلها ياسهيـل لونـك لونهـا
اسوقها ياصاحبي وعمي لعله في عمـاه=ان متعدينـا المعالـم ماوقفنـا دونـهـا
اتبع طريق اهل المعرفه واتجه في الاتجاه=ياما كسبت علومها ياماكسبـت فنونهـا
المجد له هامه وقامه وانت ذاك اللى رقاه=وام الكباير تحذف اللى تنطحه بقرونها
الشيخ ابوبشتٍ حساوى خاوه وخاو اخوياه=شوف البشوت الطيبه وشيوخها يهدونها
الطيبه تاتي من الطيب على قدراً وجاه=وشرواك في المرقاب والعالم تلد عيونها
الشيخ جانا علمه الغانم وعلم اللي معاه=اللي حكم له قلعه واسس جميع ركونها
الذيب دسم شاربه والوقت مره من حلاه=يوم الذيابه فالجبل قامت تحد سنونها
اختامها يالمسعرى والمسعرى ماطيب نباه=قاد المعانى ونثنى فالملعبه ولحونها