ردية قديمه لابن وسّام وابن قضعان

[زبون الجاذيه]

هذي القصيده قديمه وجدتها عندي فالمكتبه وانا ابحث عن بعض القصائد فوجدت هذي الرديه الجميله بين الشاعرين /سلطان بن وسّام الهاجري, وضيدان بن منصور بن قضعان

يقول الشاعر سلطان

البارح امسيت لا همٍ ولا ضيقة=و أصبحت و الخاطر أضوّق من ثقب لابره
و أخذت في نجد تغريبه و تشريقه=و أقول وين أنت؟؟ يا ضيدان أخو صبره
الصاحب اللي تونسني طواريقه=حبر القلم يستمد الحبر من حبره
الهم يجتاح قلبي مع معاليقه=لي ماضي التجربه يا ماضي الخبره
الحر لا تل فكينا مسابيقه=و إن رد يا مرحبا من رد نعتبره
ليلٍ رعوده تقفتها براريقه=ولا رفيق الوفى شبري ورا شبره

فكان رد الشاعر ضيدان جاهزا بابداعاته وتالقه حيث قال:

حي الله اللي ليا أبطى واق له ويقه=يحيى بها اللي من الوحده نفد صبره
البارحه ليلٍ أغفي منه و أفيقه=كني عليل يوايق به على قبره
و أخوي سلطان مثلي ناشفٍ ريقه=جاني كتابه و زوّد عبرتي عبره
يالله يا كافلٍ عيشة مخاليقه=عليك يا اللي عليك الحل و الدبره
و الشمل يا ابو محمد لم تفريقه=للمعتبر يا رفيع المنزله عبره
و إن كان ما الله وفقنا بتوفيقه=لو نشبر أيامنا ما هيب منشبره