شاعر يام في إحدى روائعه

[عاشق الأماكن]

شاعر يام وقصيدته المشهوره في صاحب السمو الملكي الأمير/ سلطان بن عبد العزيز ولي العهد حفظه الله وأدام عزهـ ورعاهـ والتي إستجاب له فيها سموه الكريم ولبى طلبه فوراًوإليكم القصيده:-

يالله يامطلوب لالك شريك ولاوكيل=أنت المجيب أنت القريب أنت الرقيب المعتلي
يامن كفلت الرزق للمخلوق ماغيرك كفيل= ياقاضي الحاجات والشدات بامرك تنجلي
عليك ياعلام مالم يعلمه عني عميل=إلاَعميل كالربيع إن جاد ولاَ هملي
أشد صبر من الجمل وأغزر من البحر المهيل=وأطول وأظل من الجبل واكن وازبن واثقلي
ويشوش مثل الأشهب المرشوش أبوباع طويل=طلق اليمين من الثلاث التاليات محجلي
ياما وياما قلت من هو في نهار كنه ليل=الله لايرخص عزيز ولايعز مذللي
ماضاقت الدنيا ولاخليت من اصحاب الجميل=اللي مجانيهم تجاذبهم كما جذب الدلي
ومادام عرق الطيب في الماء مايتيه به الدليل=جعل الحيا لي طاح مايحي عروق الحنظلي
والمدح في من يطلق المسجون لو جرمه ثقيل= معزبي سلطان إبن عبدالعزيز الفيصلي
يافزعة المضيوم والمظلوم يازبن الدخيل=منازلك بالطيب من فوق النجوم الزحلي