ابـــوي وامــــي

[ابن وعيل]

صحيح احبش موت واموت بالزين = وحبش سكن قلبي وجاري بدمّـي
واذود عنش لو خصومي ملاييـن = ولا من طلبتي حاجتن قلت سمّـي
أما اني ابكي لنش بسـاع تبكيـن = واقول لش يااغلى من ابوي وامي
لا والله منتي بحولهم لو تموتيـن = انتي بعض همّي وهم كـل همّـي
ياجعلش افداهم و كـل المزاييـن = افدى لهم مـن كـل هـمٍ وغمّـي
ذي سالفه ماعاد فيهـا اختياريـن = تعوذي من ابليس وهدّي وسمّـي
كانش قنعتي فاطلبـي ماتريديـن = وكانش زميتي شوفي اليوم زمّـي
أشوم انا من قبل مانتي تشوميـن = في ساعتن ماهم مدحـي وذمّـي
عزيز طبع ومن رجالن عزيزيـن = ولا البس انا ثوبٍ قِصر دون كمّي
ولامن مشيت أدل دربي على وين = درب الردى يابنت ماهوب يمّـي
يابنت...ربعي ساعة الجد صلفين = قومن تهبد القـاع ماهـي تسمّـي
تقلب موازيـنٍ وتعـدل موازيـن = وان شتتوا شمل العـدى مايلمّـي
اذكّرش من شان ماعـاد تنسيـن = ان المراجل جـم وياكبـر جمّـي
مااميل لامالت عقـول المساكيـن = وميلة اعقالـي ماتعيّـب معمّـي
وان كان قفّيتي فلا اقـول تكفيـن = لابنت خال لـي ولابنـت عمّـي
روحي وبلقى بنت تسوى ملاييـن = وتحبنـي وتقـدّر ابـوي وامـي