يا راكب إلي صممتهـا الولايـات""الي أمريكـا فالمصانـع أتصبـه
تصميم شركة كلهـان الخواجـات""ومورده من يون يـرك ونصبـه
أكبر مكينـه صقطـت للونيتـات""خمسه صفر واحـد ودبـه ودبـه
ما يصدر إلا عن طريق الوزارات""حتى أسبيراته تجي فـي صطبـه
بالجدول السري خذتـه الوكـالات""مديرهـا وقـع وعاهـد بـربـه
صدفه طلع بالواصطه والحيـالات""ثم قيل يـا سواقـه أخـذه وغبـه
أذهن تراه أمخصـصٍ للقطاعـات""نوع أسبشل ما كـل خبـلٍ لعبـه
فتش عليه إلا الطيس والمرايـات""تحت المراتب قـال يسعـدك نبـه
ساعة فتح بابه عطوه السويكـات""شغل وللماء مـع أقـزوزه يكبـه
قام أيتسمع وش تقول القـزوزات""لهي تقـول أبغـاك مامـه وببـه
داس السريتر والتفت في المرايات""لهت تقول أصويحبك وين مربـه
طلع يقول الزين هي هات هي هات""العلم لا يدرون بعض العرب بـه
الله رزقني بالذهـب والجنيهـات""لكن أنا هالحين وين أهـرب بـه
وقلنا تعال أحمل كـلام وتحيـات""محلا الكلام إلي يجي في مصبـه
يا شوق خشفٍ ذيره كثر الأصوات""يرعى نبات القفر في وسـط خبـه
عاف البشر ما يبغي إلا أنت بالذات""أبـو خـديـدٍ بالقـلـم ينكتـبـه
نصه زبـون الجاذيـه والوليـات""اللـي إربوعـه فاللـوازم تحبـه
ثم قل لبن عدلان جانـي محسـات""الوقت كبـر قـدم خطـي مطبـه
إليا بغيت أرقد من الليـل ساعـات""لو هو يجيني فـي منامـي أمنبـه
وليا انتبهت إلا الهواجيـس لمـات""على مثل مـوج البحـر مطلحبـه
الشاعر/ سعد بن جدلان