دله... ونار... وفذتين... وفناجيل

[ابن وعيل]

ارخت هدبها وارتخت هامت الليل = يوم احتضن كفي تفاصيـل يدهـا
روعـه تفاصيلـه وياهـي تفاصيل = اعدهـا واخطـي واضيـع عـددهـا
ضميـت يدهـا لليـال المقابيـل = بـردان انــا يــا جمـرهـا يــا بـردهـا
اسرق دفاي وماتزين التعاليـل = الا علـى جـال الشفـق فـي شهدهـا
لاياشهد وش جاب دجله على النيل = لا يا سحابه برقها مع رعدهـا
لا لاح برق ورمش عينه مضاليل = لا تنشدون الشمس منهو وئدها
كانت معي ...صار اللقا بالتساهيل = وراحت وكن القلب ماقد وجدها
اقفت وخلتني وما من محاصيل = الا العطـش وبيارهـا مـن وردهـا؟
انـا بـدوي وراس مـالـه تماثـيـل = اطــلال لامـنـه تضـايـق نشـدهـا
لاجفت القيعان شلـت المواويل = وسقـت المطايـا ليـن يظهـر زبدهـا
انا ونوقي نتبع الوسـم ونحيل = نسـري ورى بـرق الحيـا فـي بلدهـا
نقطع جراهيد ويجيب الله السيل = فحوى الامـل لعـل يصـدق وعدهـا
اجمع زهابي والحطب والمعاميل = وبيت الشعر والخيمه انـهض عمدها
اشب ضوي واطبـخ البـن والهيل = فـي دلـةٍ صفـرا ونفسـي سعدهـا
دله... ونار... وفذتين... وفناجيل = تسوى حياة اللـي حياتـه عبدهـا
الا ياكـود مواجـة نافـل الجيل = فـي ذمتـي تسـوى الحـيـاة ورغـدهـا
لاشفتهـا انسـى العنـا والغرابيل = وانسـى همومـي والحيـاه ونكـدهـا
علـى لقاهـا اعـدل الحـظ ويميل = لابـوك حـظ المـوت نفسـي هجدهـا
الـلـي بوجنتـهـا تـشـع القناديـل = اخـت القـمـر لا قبلـهـا ولا بَعـدهـا
لا ارخت هدبها ترتخي هامت الليل = وانا ألتفت وعيونـي الله قردهـا