واشوف عيني كـــــــاثرات عــــبــــــرها

[::::أم راكان::::]

غديت كني ريشةٍ خاوت الريـــح= وغديت كني نقطةٍ في بحرها
مالي معين ودايم أقوم واطيح= واشوف عيني كاثرات عبرها
ورميت انا بالقفل هو و المفاتيــح=وسبلتها للي يزين صورها
سجدت له بالفرض هو والتراويـــــح= يجلي الامور اللي تزايد خطرها
يالله تهدي هالوجيه المفاليح= يارب تهديها وتاقى خطرها
وتصلح ذرارينا ونرتاح ونريــح= ومن الزمان الشين ناخذ عبرها
تبعد قرين السوء راعي المصاليـــــح=اللي حياتة للمشاكل نذرها
كذاب ماصلى ولاقال تسبيح= وده يهد الكون لو هو قدرها
يالله عسى دربة جمارك وتصحيـــــح= والى نوى له نية ماقدرها
عسى حياته به مصاعب وتجريــــح= حتى ان بوم الليل يخشى خطرها
وان تنصر اللي للمواجب نواطيــح= اللي عن الزلات رجله قصرها
وصلات ربي عد رمل الصحاصيــــح= وعد الطيور ومالجى في بحرها
على نبيٍ صحح الدين تصحيح=وبقدرة المعبود فهم بشرها