كلامها (لبيه) عن قولة هــــاه !!!!! قصه وقصيده

[راكان اليامي]

هذه القصيدة في رأيي أنها من أجمل قصائد التوجد على طريقة الأولين !!!

وهي تمثل الحب والتعلق من أول نظرة ..

قائل القصيدة هو شاعر الكويت المعروف : مرشد بن سعد البذال ومناسبتها أنه في يوم من أيام الربيع خرج لجمع (الفقع) في احدى المناطق الصحراوية .. وبينما هو مشغول بالبحث تفاجأ بوجود فتاة ترعى أغنامها في تلك المنطقة فسلم عليها وردت عليه السلام وسألها عن أماكن (الفقع) فمدت له (كيس) كان معها فيه (فقع) وقالت له : خذه ....
رفض (مرشد) أن يأخذ الكيس وقال لها : "أنتي دليني بس وين مكان الفقع وأنا أجمعه وخلي كيسك معك" ولكنها أصرت وفاجأته بقولها : " أنت نازل علينا ضيف وهذا بعض من واجبك ولازم أنك تأخذه والبيت تلقاه قدامك رح له وتقهو "

بعد هذه المحادثة القصيرة غادرت الفتاة المكان ولكنها نزلت في قلب شاعرنا الذي لم يزل يتذكر جمال كلامها ورزانتها وجمال طلتها حتى بعد عودته الى بلده ...
وقرر أخيرا وبعد مدة من الزمن أن يعود الى نفس المكان ،،،، ولكن عودته كانت متأخره فلم يجد هنالك الى الأطلال .............

عندها هاضت قريحته بهذه الأبيات الرئعة :

البارحة جاوبت لي حـس عـاوي=ذيب عوى لجيّـت بالحـس ويـاه
ذيب يجر الصوت حسـه خـلاوي=ياقلب ياللي جاوب الذيـب بعـواه
والصبح بانت في ضميري أهاوي=صوت زعجته ليت خلـي توحـاه
يادار ماشفتـي ظبـيّ المطـاوي=أتلى علامي بـه غشنـك رعايـاه
أنا على شوف الحبيّـب شفـاوي=كانـه هنيّـا خبرينـي بممسـاه
قالت لي الأوطان جلّـع ضحـاوي=اليوم رأس الرجـم هـذا توطـاه
أمس بهذا وأصبح اليـوم نـاوي=يتلي سلف بـدو بعيـد معشّـاه
كشف لهم برق سديـد عشـاوي=يخيلونـه يـم خشـم المسـنّـاه
يبـون مربـاع بهـاك الحـراوي=لازاف زملوقه وشبعـت رعايـاه
اخذ الخبر ماهوب خرص وهقاوي=أعطيك علم صويحبك وين تلقـاه
أدنى مرابيعه بخشـم الصـداوي=وبيوت مقياضـه بقريـه مبنّـاه
مير أطلب الله لو صوابك مخـاوي=كم واحـد قبلـك عشيـره تمنـاه
يالعين ماينفـع كثيـر الشكـاوي=لا على اللي دبر الغيـث وانشـاه
ياونتـي ونـة وحيـد جـلاوي=اللي سبب دينه من أقـرب دنايـاه
ولا خلافه مـن يحـل الدعـاوي=لاصار ربعه منه تبـي المثـاراة
عليك ياللي لـك بقلبـي مكـاوي=ثلاث ردعـات هـوادي وعرقـاه
عقيه فقدت من المنـام الحـلاوي=وحتى متاعي قامت الكبـد تجفـاه
يالايمـي ياعـل مالـك عـراوي=بـلاه ماولعـك بالحـب حلـيـاه
من لايعرف الحب عنـده دعـاوي=يشره على راعي المحبه ويشنـاه
ويقول هذا في مماشيـه غـاوي=وحنـا نـدل الـدرب والحمـدلله
يالله عسى مثله كثيـر الهـزاوي=يبلوى ببلوى من لسانـه تهـزاه
حتى يعرف ان المحبـة بـلاوي=ويشوف مثل اللي من الحب شفناه
عساه يبلى فـي محبـة حيـاوي=حب الهنوف اللي يحده على أقصاه
تفري ضميره فري دلو الـرواوي=الى صفقها الجال من حـد ملقـاه
لا لجلجت له بالنظيـر السهـاوي=كلامها (لبيـه) عـن قولـة هـاه
كلامهـا للقلـب مثـل المـداوي=اللي عرف علـة مريضـه وداواه
يـارب انـي بالتفاتـك رجـاوي=تلم شمل الولف من عقـب فرقـاه
لوتنفع الفزعـات والا النخـاوي=على المحبـة كـان كـل نخينـاه
مير الرجا والياس صار متسـاوي=ياقلبي أصبر فـي تدابيـر الالـه
لو مابقي في حبـك الا شـلاوي=مادبر الوالي على العبـد يرضـاه