لمن هذه المرثية ارجوا المساعده

[خشم العان]

خذيت القلم وابديت من حسرتي والهم

بيوت تعالج جرح خفاقي الشاقي

منامي على كوعي وزادي طعمته سم

قضى الليل بين الهم والحبر واوراقي

فلا ياوجودي وجد طفل ظلمة العم

يتيم لشوفة والده تاق واشتاقي

على الظلم عاش صغير بالعمر ماتم

مع الناس عاش هموم واحزان وارهاقي

وجودي وجود اللي حداه الزمن واجرم

توطى ووطته الليالي وهوراقي

صدر حكمة اسنين طويلة وقيل اعلم

وقال استلمت وراضي بامرخلاقي

وجودي وجود اللي تعادوله عيال العم

وساقوه عدوانه على الهون وانساقي

توجدت ونهلت دموع النواضر دم

على شيخ قوم شاقني ذكره الباقي

توفي جراب اللي لكل الوفا قدم

عقيد يحب المجد ويفك الاعناقي

يفك الرقاب اللي عليها القصاص الزم

ومن يزهمه يرتاح صدره الى ضاقي

لكسب الوفى عنده عقيده وطيب شيم

يسير الوفا بعروق دمه والاعماقي

فقيده رجال لا عطاها لامر تهتم

ليا صار في الميدان ماطر وبراقي

رصاص البنادق ماطر للعدى حطم

وبرق الحروب سيوف عهد وميثاقي

وفقيده على من يعرفة بالحزن خيم

ومن ضمنهم قلبي لفرقاه ما طاقي