السلام عليكم ورحمة الله وبركاته
ادفع ثلاث ارباع عمري لجل يوم = اجلس انا وياك واخذ كثيرك
واليا حصل يومين الله من علوم = وليا بغيت اسنين انت وضميرك
تراني استاهل وانا منك محروم = لاتحرم اللي منتظر مد خيرك
تعبير وجهك يعتبر طارد هموم = غمازتك اجرام الله يجيرك
بحات صوتك وانت صاحي من النوم = تكره اللي كلمك صوت غيرك
تنهيد صدرك وانت ضايق ومهموم = من حسها سلم مصيره مصيرك
كلك على بعضك اليا جيت مملوم = ماتنحسد , الناس تحسد عشيرك
ياخي لحقني منك شره عتب لوم = قلبي كسيرك وانت تطعن كسيرك
شفني اخايل فالسما برق وغيوم = ضميان وانت تشح عني غديرك
انا اعد من السهر ضيم ونجوم = وانت اتحضن مسندك في سريرك
خلك على وضعك عسى وضعك يدوم = بس ودي في بعض الامور استشيرك
اذا عتبرت اني اسيرك ومن قوم = ماهو كذا اصلا تعامل اسيرك
واذا فترضت ان فيه ظالم ومظلوم = تدري بلاش من افتراضي يثيرك
واذا بحياتك شخص فيه انت ملزوم = لاصار اهو اولك مابي اخيرك
لكن تأكد من عرفتك الاهاليوم = انا حياتي مابها شخص غيرك
للآستماع
اتمنى ان تروق لكم
تحياتي