شتات وحده هو اللّي قادر لـ / جمعي = اشواق ، وووصال ، وغيبه ، ثم تنهيده !
مدري الخلل بـ / الزمن ، والا هو بـ / طبعي ؟ = ماني بـ / احب الفراق الله لا يعيده
لا جاني اللّيل ما تنفعني يا شمعي ! = ما يضوي اللّيل غير اسمه ، وترديده !
لا اوحيت صوتٍ لـ / غيره ، يحترق سمعي = ما كل الاصوات [ تطرب سمعي ، وتفيده ]
يظما حبيبي ما يشرب غير من نبعي = اصب حبّي في قلبه ويطلب ازيده !
الحب مفهوم ماهو مبهم بـ / شرعي = نحيا في ظلّه ، ونشبع من عناقيده !
عن حبّه لو حالوا الخلايق لـ / ردعي ؟ = قلت : الحكي اللي اقوله مابي اعيده
اغليه دون البشر يزيد به طمعي = وحبّه بـ / وسط الحشا احيا بـ / تغريده
ويا اللي تنادي ليوم فراقنا تدعي = [ فرقانا حلم ، وتبدّد قبل توكيده ] !
خانوني اللي اظن انهم مثل درعي = اليوم حتى رفيقك صعب تحديده !
ابكي الوفا ، والوفا ناوي على قمعي ! = ان خابت الاولى ، صابت الف تسديده !
وان اجتمع وقتي وحظّي على دمعي ؟ = بـ / اقول : يالله تهنّي سعيد بـ / سعيده !