محاورة بين فلاح القرقاح وضيدان بن قضعان

[ابو جابر المري]

هذه المحاورة قبل خمس سنوات في المغتره امام صاحب السمو الملكي الامير فيصل بن خالد
بين الشاعر فلاح القرقاح و الشاعر ضيدان بن قضعان

يالامير اسمح لي ابا آخذ مع ضيدان قالـه=طالبك يا سيدي لاحد يجـي بينـه وبينـي
اشرب الفنجال يا ضيدان واكـب البيالـه=طيب يا صاحبي واحـب سلـم الطيبينـي
بالنيابه عن الامير اللي ترى حنـا خوالـه=مرحبا لو ما تسلم يـا عشيـر الغانمينـي
يالعبيدي لا لقيت الهاجري واقـف لحالـه=صح لبن شايق وانا ربي على الدنيا عويني
بارك الله بالاميـر اللـي يظللكـم ظلالـه=وانتم اللي صيتكم بين القمر والفرقدينـي
والله ان الهاجري بالضيق درع ينعنى لـه=سد دينك يا ولد قضعان وانا اسـد دينـي
يابن ريفه لا تعدى الحد والدعوى سهالـه=لد بابن مشيط لا تشبح يسـار ولا يمينـي
والله انـا مـا وقفنـا الا نـدور للجمالـه=ميرلا تاقف على درب الثلاثـه والثنينـي
والله ان ماني لابن مرة مجـود بالكفالـه=والامارات العربية علـى راسـي وعينـي
التفت لي والتفت ولا بلاش مـن الزمالـه=ما تمشيها علي وانا ابن مفلـح مرتينـي
يا كثر ربعك بذيك الدار يـا راع الخيالـه=ميرانا مسلم وربعـي كلبوهـم مسلميـن
اعترفت بالاولـه والثانيـه مالـك محالـه=احتملها في ظلال الحلف والقاسـي يلينـي
انت يم اقصى الديار اشفق من وليد الغزاله=انتبه لا يخرج الموضوع كله مـن يدينـي