باول مطارات الخفوق اللي على بالك وساع
________ حجزت لك في رحلة اللي ذاهبين بلا إياب
خذلك من الذكرى إلا انها طالت الرحله متاع
_______ وارجع لماظينا إذا شحت وخذ منه زهاب
صبرت من شانك على ما قيل قدر المستطاع
_______ حتى قتلت القلب يا ظالم بلا مخلب وناب
قفى ربيع العمر في زحمة مواعيدك وضاع
__عشرين عام من العمر قفت كما رحلة عذاب
ياما على شانك أنا والهم والظيقه صراااع
______وياما على شانك تحملت المواجع والعتاب
أمشي معك وآبادلك فالحب من صاعك بصاع
______ لاما حسبت اللي تخفيه الدلع تحت النقاب
باعلمك بإن الهوى والحب سلعه ما تباع
_____ وإن الوفا للرجل عز وللمره مثل الحجاب
عودي لكن بشرط لا شفتي مقاديم الشعاع
_تتبع شروق الشمس يا ميسون من حيث الغياب
شاعركم-مانع الهميمي