بسم الله الرحمن الرحيم
وبعد
هذه القصيده نسبها بعض الشعراء لنفسه وهأأنا اهديها لصرحنا الشامخ ورواده وحفظا للحقوق
ياالله يللي تسجد الخلق في ماارضـاه = ياقابـل التوبـه وغافـر وراحمنـي
تفرج على إللي قام ليل العنـا يبراه = يحضر هموم تجبر القلـب يسهرنـي
بعد شوف زول صويحبي مادري حلياه = قمت آتوجـد وانثـر الدمـع وآونـي
آشوف النما وآقول حي الشبه حيـاه = ياحي النمـا مـادام زولـه يذكرنـي
وليف معاد اقوى ولااصبر على فرقـاه = لا طولت فرقـاه موتـي دنـا منـي
مضى ياحمدخمس وسنه ماقدرت القاه = ماغير آترجى جعل ماهـو بمهملنـي
ومادام انا لا الوقت ذا ماقدرت انسـاه = هذا دليل إنـه يـلا اليـوم يذكرنـي
سحرني بزين الطبع وبعفتـه وحكـاه = وعاده إيلا زليـت يسمـح ويمهلنـي
الا يارسولـي بلغـه بإلخبـر نفـداه = لي عاده بيفزع لي صويـب ومتدنـي
وجرح سطى بإلجوف ماعاد والله اقواه = مادامه يزود وصار بإلجـوف متثنـي
صواديف وقتي لفت القلب عن ممشاه = غدى في بلاد البعـد والبعـد غابنـي
وصرت ابتعد منه وقلبي قعـد وإيـاه = امانه وكيفـه فيـه لاعـاد يسألنـي
من ساع راح لديرته والنظـر يتـلاه = وانا عارف إن مااحد بداله يعوضنـي
نطقت الشهاده احسب إن قدهي الوفاه = اثرها كـذا مـن راح خلـه يعلمنـي
عذولي نصحني قلت من قبلنا كم تـاه = من قبلنا كـم وافـي يخلـف الظنـي
لعب به هوى زينات الأوصاف ثم خذاه = وحذف به على جال ازرق الجم متوني
من قبلنا عنتر وعبلـه وقيـس جـاه = بلاوي زماني قالـت إنـه يشابهنـي
وعقاب تجرع حب نوت وقـد وطـاه = ضروف ولكن عاضه إللي مصبرنـي
وهذا بحر حب وكـلا ومجـرى مـاه = احـد مالـح واحـد قـراح ومتهنـي
بدينا ودمع العين همل معـى ذكـراه = وعند النهايـه دمعهـا هـل غالبنـي