نعتذر من المتابعين الكرام على التأخير
لبيه ياليلى ولبيه يانوت =ولبيه ياللي ساكن في عروقي
ولبيه ياللي حن لغيابك الصوت= ولبيه ياللي ضج لأجلك خفوقي
احن لأجلك واتحسف على الفوت= وأكمل حقوقك وتتنقص حقوقي
اسمك وعنوانك بالاضلاع منحوت =ولك نسخة للبث باطراف موقي
ياقو صبري من عذابك على الموت =وياكثر غلطاتك وياحر شوقي
كنك تصرف فالمحاني بريموت= وكنك تمشيني على غير ذوقي
واشوف كن الناس من حولي سكوت= وكن السماء تحتي وذي لأرض فوقي
أخلفتني وأنامعا الناس مثبوت=وغيرت مسياري وطيحت سوقي
ان كان ذي متلاتها فاخير الموت= أحفظ كراماتي وأرجع حقوقي
وسلامتكم