:: عــيـــن مـــراقـــبـــه ::

[بدون نك]

الله يعطيك العافيه
وفعلا هذي المواضيع المفيده والمميزه
بس يبقى شغله وحده
بعد عرض هذه المتابعه
قبل الانتخابات ان كنا من الحيين
كم واحد بيصوت وبيزهم لابن عمه القريب الغير مستحق لتمثيلنا
وبيبدلون بالاصوات مع مرشحين مستواهم مايخلي لنا مجال اننا نصوتلهم في الرئيسي وبالتالي ينشق صفنا بسبب اعضاء جمعوا لهم كم واحد عن طريق تخليص معاملاتهم واهتمامهم بهذي الشريحه بشكل غريب ومريب يخلي هذي الشريحه تصوت في التشاوري باوامر من مرشحينهم واعضائهم اللي يخلصونهم وبالتالي تطلع لنا مخرجات ماادري شلون اوصفها


اتمنى ان هذا الشي مايحصل لكن صار لي سنين وانا واعوذ بالله من كلمة انا اشوف هالشي يحصل وفي النهايه ويوم التصويت اشارك المجرمين جريمتهم بالتصويت للمخرجات اللي تكلمنا عنهم
والدافع الحميه البغيضه
اللي خلت هذولا الاعضاء المقصودين في كلامي يلعبون علينا في تشاوريتهم اللي تمت بطرق ما تحترم عقولنا حنا ابناء القبيله
لكن ابشركم اني قررت اتجاهل اي مرشح في الانتخابات الرئيسيه فرض علينا من خلال عمليات الاحتيال اللي يقوم فيها بعض الاعضاء والمرشحين
هذا قراري وارجوا اني ما اكون ضايقت احد
ولي رجاء اقول للاخوان وابناء العمومه لاتفرضون علينا من لانستطيع التصويت له لان هالشي ينتج عنه خساره لكرسي او اكثر من كرسي للقبيله
واسف على الاطاله