لكن خساره ليـت غيـرك فعلهـا

[عاليه الاخلاق]

السلام عليكم ورحمة الله وبركاته

يامنتهي الشرهه تجيـك المشاريـه=النفس لاجرحـت يبيـن زعلهـا
الشعر زعلته وجت لـك معانيـه=وان طافتك هذي تحـرى بدلهـا
لوجيت ادور لك عذر وين الاقيـه=تجاهلك حتـى اعـذاري قتلهـا
انا اعرفك لو ينشري الطيب تشريه=لكن حسافه ليت غيـرك فعلهـا
ان كان في نفسك كـلام مخفيـه=الكلمه اللي تحرج النفـس قلهـا
مهوب انا اللي خمس كلمات ترضيه=النـاس يافـلان تقـاس بعملهـا
بعض الاوادم ضحكه الزيف تغريه=لين يتجرع سمهـا فـي عسلهـا
واللي عن الواجب طواريه تعميـه=تمر...ميـلات الخطـا ماعدلهـا
واللي عيونه تنخدع فـي مباريـه=لو كلمته عوجـا عشانـه قبلهـا
واللي نسى يعرف عـدوه ومغليـه=نفسه تساوت علمها مع جهلهـا
هذاك ياكـود القصايـد توعيـه=حتى يعرف ان المشاعـر خذلهـا
من صد ..عني عمد ولله مارجيـه=لو حاجتي عنده حشا ...لااعتزلهـا
انا من اللي عـزه النفـس تغنيـه=مـاذل نفسـي للحيـاه وغزلهـا
وانا من اللي حاضره مثل ماضيـه=لااكبرت القالـه تعـود لااهلهـا
كللـن تحثـه للمعالـي هقاويـه=بـس الثقيلـه مالهـا الا جملهـا
الصاحب الطيب على الروح ابديه=والا الثعاله تنكشف مـن حيلهـا
من ترده الشرهه تجيـه المشاريـه=النفس لااجرحـت يبيـن زعلهـا

وصح لسان شاعرها,,ودمتم سالمين,,
,
,
للشاعر المبدع عبيد الازمع.....