بسم الله الرحمن الرحيم
:
أسعد الله أوقاتكم مرتادي مجالس قبيلة العجمان الكرام بكل خير
:
أقدم لكم الليلة قصيدة للشاعر المبدع: محمد بن فطيس المري
:
وهي من أداء صاحب الصوت الرائع: العذب
:
أتمنى تعجبكم..
:
ليه المسا عوق الشقاوي وطبه؟=وليه الهبوب تصحي القلب لا بات ؟
وليه القمر يدعي جريح المحبة؟=ويقول له يا هيه ما فات ما مات
جرحك ظهر لو قلت للوجه خبه=وللحزن في ضحكك رسوم وعلامات
وليه المطر بالذات ريحه وصبه=كنّه رسولٍ بين الأحباب بالذات؟
أشتاق فيه لشوفتك وأتنبه=للي نسيته من مواقف ونظرات
لا استانس الخافق ذكر من يحبه=ورجع يراجع في الوناسات ما فات
يا مرتع القلب الحزين ومربه =يزين بك مثل الذهب صدر الأبيات
هيهات ينسى القلب شخصٍ لعب به=وهيهات يدله خاطري منك هيهات
سبك مديح ومدح غيرك مسبة=تقول وأذني صوتها يتول لك هات
ونبع الغلا عندك وعندي مصبه=ومن الوله في خافقي لك ولايات
طيفك حطب عيني وعيني مشبه=والشوق برد منقطع لو للحظات
ومكانك الصدر ولك القلب شبه=بين الضلوع اللي فرقها التنهات
ولك بيرقٍ في القلب حبك يهبه=شامخ ولا هزه من العذل غارات
ومحبتك في الوقت ذا ما تشبّه=إلا بخيمة بدو بين العمارات
إن شفتني ضايق وأهوجس وأسبه=أخاف غدر الوقت والوقت دورات
لا تحسب إن دمعي نزل دون سبة=أبكي من الفرقا وهي ما بعد جات
واليوم كل أمورنا مستتبة=وبكرة ما ندري وش معه من مسرات
أرب قلبك مثل قلبي أربه=ما يخلفه كثر عذل والمسافات
:
:
للتحميل اضغط هنا
:
تقبلوا تحياتي
: