أمنّي النفس بـ / عسى دربٍ خذاه [ يرجّعه ] !

[نيَـة فراق ..!]

نص رائع ، لشاعر لطالما كنت في الصفوف الأماميّه

لـ / [ جماهيره ] ..

راق لي ، اتمنى أن يروق لكم

مابه طريق ولا رفيق ولا ركوب ولا سفر = ودي أغادر وانصدم إني فقدت الاربعه !
ماباقيٍ غيري على كثر الفيافي والبشر = تومي بي كفوف الشمل في كف يمنى المقطعه
وأشيّل كتوفي الحمل واعلّم جفوني السهر = وأملى خفوقي بـ / البكا لين الحنايا تدمعه !
وأمد شوفي واكسره وأمد قلبي وانكسر ! = وأرجع على اللي لا نبض قلبي فـ / قلبي [ أسمعه ] !
اللي محا من خافقي كل الاسامي والصور= كنه لمن قبله يقول : الله معه ، الله معه !
كنه وقلبي فـ / الهوى قبطان مركب في بحر = تنوخذه واستحوذه ، وأبحر وفل الاشرعه !
ويمّم على وجهة غياب ولا ترك خلفه عذر ! = حتى لو اعذاره ما هي في كل مره [ مقنعه ] !
دايم وهو وافي جفا ، والا الوصل فيما ندر = مع إن ماعنده سبب في وصل قلبي يمنعه !
يا قسوته وانا على قاع الرجاوي منهمر = أمنّي النفس بـ / عسى دربٍ خذاه [ يرجّعه ] !
وأقول لـ / اشيائه معي : ما للغياب الا الصبر = وان خالفتني ؟ قلت : ما في قطع مثله منفعه
اللي قبل لا اعشقه وانا على بيته امر = وبـ / النبض اطلّع مدة الوقت اللي لاجله بـ / اقطعه !
ومن بعد عشقه ما بقا شيٍ معي ما ينتظر = صوتٍ ينسينا دفاه ، الكون هذا بـ / اجمعه
وشلون مع هذا الغلا والشوق والحب ، المطر = أنساه ، واجبر خافقي يجذب غلاه وينزعه ؟!
بـ / ابقى احبّه واعشقه لآخر دقيقه فـ / العمر = وفداه قلبي لو لقى من جور صدّه [ مصرعه ] !

لـ / المرقابي المذهل :

[ محمّد السبيع ـي ] ..