السلام عليكم
هذي ابيات للشاعرمحمد ابن علوش واتمنى ان اختياري يحوز على رضاكم.
يقول:
كبدي اللي كن بها جمـرة ٍ حيـه =انجحتها لين لحقت على اقصاهـا
انجحتها لين نجحت وهـي نيـه =لين فاحت فوحة السيـف بملاهـا
فـوح خولانيـة الـبـن بـريـه =التهى منهـا المقهـوي وخلاهـا
قام وخلاها على الجمـر مركيـه= راح بيعـود عليهـا ولا جـاهـا
وتل قلبي تلـة الدلـو عصريـه =تل دلو ٍ بيرها مـا نضـح ماهـا
بيـد مـن ذوده حيـام ومقزيـه =علمها من امس وهي في مضحاها
هجمتن كنها مـن القـوم مشعيـه= كنها اللي صاحوا القوم ف اتلهـا
منويه والبل لامنهـا نـوت نيـه =والله ان تبعـد ويبعـد معشـاهـا
وبري حالي بري من شل اداويـه= ما كنن به علتن عجز ف ادواهـا
قد عمل في الكبد له كـم عمليـه =بليت وحل المرض فاللي حذاهـا
كل مـا قالـوا تشالـى دناويـه =مرض عقب ايامه اللـي تشالهـا
من فراق فرق الحي مـن حيـه =لاهو برضن له ولاهو برضاهـا
اخلفـت سـود الليالـي هقاويـه =فاجتـه سـود الليالـي وفاجاهـا
حاكة الفرقى لـه ايديـن مخفيـه =حاكتـه ناسـن قضاهـا بيلقاهـا
يحزن الرجال مـن بعـد غاليـه =وتحرق الجمره رجل من توطاها
صورتن حيه ولـو هـي خياليـه =ماهيب هي وايهـا وكنهـا اياهـا
تدري وش معنى الخساره الحقيقيه= انـك تفقـد كـل رغبـه تمناهـا
غيـر عـادت هالمقابيـل مقفيـه =كان ربي متع الـروح واحياهـا
وسلامتكم